لاجيــتهم نشحـت ولانجــدّا

السلام عليكم

كل العام والجميع بالف خير وصحه وعافيه وان شاءالله ينعاد عليكم باليمن والبركات

اليوم جيتكم وجبتلكم قصيدة ان شاءالله تعجبكم

لاجيــتهم نشحـت ولانجــدّا

غير حّن قلبي وما قدرت انردّا

لاجيــــتهـم نســــوّل

لاجيت ناوي فـ القعاد انطـوّل

لانـي على ردّ السريب انعـوّل

لا فخاطري نحاييه ماضي وعدّا

اللـي جابنـي ليهم رفقنـا لـوّل

مخاطير خطرن بعد طول المدّا

ويــن جيـتهـم هملــونـي

كيف الغريب فـ جنبهم خلّوني

لا رحبّـو لا سلّمـو لا جـونـي

لا القيت منهم غير جفوه وصدّا

إن كان الغوالي في الوسع صدّوني

منهو اللـي نلقـاه وقت الشدّا

روحــت بالـتكـديــــره

روحت نمشي بالندم والحيـره

وفي كل خطوه تصيبني تعثيـره

نعثر ونلقى عزم فيـا انشـدّا

وانصبر فـ قلبي انقول فيها خيره

عمر الجبـل مايوم ريح اتهدّا

وان شاءالله عجبتكم

والسلام

السلام عليكم فعلا كلام حلو وواقعى مشكور ياصديقى على هده الكلمات الحلوه الله غالب اصبح واقعنا بهدا الشكل مكافأت حسن المعامله بالئسائه

إيه والله