إختبر دقة وسرعة ملاحظتك !!!

إختبر دقة ملاحظتك وذلك بمعرفة عدد الوجوه التي في الصوره أدناه.... في زمن وقدره دقيقة ونصف

( عامل الزمن مهم وفي النهاية بينك وبين ضميرك )

....ويالي يبي يعرف الجواب المزبوط ......توا يوصله الجواب علي الخاص....

اروجو من الجميع المشاركة....

عد الوجوه تقريبا 7
وشكرا لان عندك مشاركات اتخلى روح الضحك ديمه متواجده وربى يبعد عنك كل هم ويخلى الضحكه ماتفارقك
وانتبه راعينا ضميرنا

إلى الآن طلعت 12 وجه ،، والبحث جاري

ياريت يا sarabsal ويا rose اديرو دوائر علي الوجوه وادزوهن علي الخاص...

يا روز خوذي دقيقتين... .

باهي يا sarabsal كم ذئب في الصورة هذي

هيا ورينا يا صقع....

ارجو من الجميع المشاركة مش بس sarabsal

مــــــــ ـــــوفقين

بالنسبة للذئاب

الواضحات 5 ذئاب

؟؟؟؟؟؟؟؟؟ Question

شن قلت؟؟

وبالنسبة للصورة الثانية أرفعها بامتداد JPEG وأخواته

لأنها مش رح تظهر بامتداد BmP

تحياتي

وياريت تقولنا الأجوبة الصحيحة

يعني ...... .......توا اندزلك الجواب علي الخاص

بااااااااااااهي........ الصوره هذي فيها عدة وجوه

والانسان الطبيعي يطلع حوالي 4 الي 5 وجوه

ويالي يطلع فوق من هكي يقعد هي او هو الصقع

انسهل عليكم ان مجموع الوجوه يطلع عدد فردي.....

هيا هيجوا ........عطيتكم نص الحل

اما انت يا sarabsal ......مشاء الله عليك في تشتشه..

الصورة كلها وجوه ، وبصراحة ادووووووووو وووووووخ

تبيلها واحد امكسد

بعد المايكرو بإذن الله تو انقولك هنا كم بالضبط
وياريتك تحصللنا نسخة أكبر وأوضح شوية، لأن العوينات بلهون شوية

لكن عموماً لعند توا انا طلعت منها قريب 17وجه متأكد منهن إلى الآن

وأغلبهن يخوفن على فكرة

تحياتي

تي حي عليك انت وين قاعد..........

المعلومات يالي جن مع الصوره مش حاطه الرقم هذا

لالالالالا تبيلك نظارات جديات انت

بعدها الصوره لو تكبر تقعد مش واضحة ...... بس توا انحاول انكبرها

خطرها انت هكي وطلعت 17 يبال لما تكبر اطلع كم ؟ 99 وجه

تعرف يا sarabsal امعاك الحق........ والله

توا دققت علي الصوره طلعن الوجوه اكثر من الرقم يالي حطينا هما

تمام باهي اللي اقتنعت

أهم شي اتكون انت مقتنع

أنا توا بحثت عنها ولقيتهم حاطين 11 وجه

لكن صدقني أكثر من 11 يطلعن معاك

مزبوط صح انا لعند توا طلعت 18

خطرها معناها حتي الصور يالي جاوبة عليهن انت من بذري بحثت عليهن

وغشيت الحل

وانا نحسابك صقع

يا sarabsal انت شفت شنو مكتوب علي الصوره

مكتوب :

if you find 9 of them ,you have sense of observation above
. of the average

if you find 10 of them ,you are very observer

if you find 11 of them ,you are extremely observer

معناها نحن شنو.......

N007 كتب:: تي حي عليك انت وين قاعد..........

المعلومات يالي جن مع الصوره مش حاطه الرقم هذا

لالالالالا تبيلك نظارات جديات انت

بعدها الصوره لو تكبر تقعد مش واضحة ...... بس توا انحاول انكبرها

خطرها انت هكي وطلعت 17 يبال لما تكبر اطلع كم ؟ 99 وجه

لا حول ولا قوة إلا بالله

الله يسامحك يا N007

لو كنت انغش في الحلول كنت قلتلك 11 وجه

وربي يشهد اني انبدري كنت انجاوبلك من غير اي استعانات

لكن في الأخيرة انت رديت عليا باسلوب ما عجبنيش

قلتلي 99 وجه

مشيت تأكدت بعد انت قلتلي ان المعلومات اللي جايات مع الصورة يقولن غير هكي

وهذا اللي طلع معايا
إختبر دقة وسرعة ملاحظتك !!! 20

والله ماني عارف معناها احنا شنو Exclamation

عموماً بارك الله فيك

تحياتي

ماهو قلنا معاك الحق

انا ماعدتهنش في البداية

بس لما قتلي 17 .... عديتهن طلعن معايا 18

sorry......... امعاك الحق

وانا نسحب كلامي يا شباب يالي قلته في البدايه..... بس مانبش نلغيه عشان ما يخصموش المساهمة