| | أحوال حايلة |  |
|
|
| كاتب الموضوع | رسالة |
|---|
SaRaBsal
مشرف قسم الأدبيات
عدد الرسائل : 605
الأوسمة : 
مزاجي : 
تاريخ التسجيل : 05/04/2008
 | | موضوع: أحوال حايلة الثلاثاء أغسطس 05, 2008 8:28 pm | |
| السلام عليكم
هذه الملحمة غنية عن التعريف وهي احد ملاحم الشعر الشعبي مثال ملحمة النجع وملحمة مازلت نا هو نا ... وأول من بدأهذه الملحمة (( احوال حايلة )) الشاعر محمد بن زيدان،
ثم تناولها مجموعة من الشعراء منهم الفضيل المهشهش وبو رويلة المعداني وعمر بوعوينة وحسين لحلافي .. وسوف نتناول ردهم واحد تلو الاخر
وقت طيب معا
( محمد زيدان )
احوال حايله بين المنام وطيبه .. احوال جبدهن للناس فيه الغيبــــه
احــــوال عجايــــب .. منهن سقيم العقل فكره غايـــــب
ان شاكيت ما تلقى حذاك حبايـب .. مفيت الشوامت بالخلاف تجيبـــه
احوال هــــــــوايــل .. احوال حايله بين القدم والجَّايــــل
احوال سرزهن تحت الشريحه مايل .. احوال بدهن ما عاد فيه نشيبـــه
طاحن رواويق اللجام دقايـــل .. اندق بالحلق عدي بعيد الصيبــــه
وطاح الكتاب بدين عصيه نصايـل .. وتفرتك كباس الجلد والتعصيـــه
احوال خلفن للعاقلين علايـــل .. مرض في الجواجي كادهم تطبيبــه
مفيت ما الله بيده يدير دلايــــل .. واللى عند ربي فرض ميش صعيبه
عدل سابقا من قبل SaRaBsal في الأربعاء أغسطس 06, 2008 2:29 am عدل 1 مرات | |
|
 | |
SaRaBsal
مشرف قسم الأدبيات
عدد الرسائل : 605
الأوسمة :
مزاجي :
تاريخ التسجيل : 05/04/2008
| | موضوع: رد: أحوال حايلة الثلاثاء أغسطس 05, 2008 8:29 pm | |
|
(حسين لحلافي)
احــــوال يكـَـــــدَّن .. احوال بالغَرايب كل يوم يجدَّن
احوال كل باب وكل فَجْوة سَدَّن .. مفيت ما يحنَّ الله عالم غَيْبة
لَرَانب يدَيْهن للجَّوارح مَــــــدَّن .. وجا السَّبع للقَطًّوس يسْتذْرِي بَه
عَلَيْه الثعالـــــب صايْلات تعَدَّن .. بْقِي بينهن مَذْلول ماله هَيْبه
وكـــانَنْ ان تَاوَق من بعيد يردَّن .. مغير زَوْمْتَه ترْبِي عليه الرِّبيه
احـــوال يعلَّــــــن .. احوال واحْلات ، احوال ما ينْحَلَّن
اللي يقول فاتَنِّي عليه يــــوَلَّن .. يجدَّن عليه بْشَيّْ مو داري بَه
يجدن عليه بشي مــــو في باله .. ولا كان في ظنَّه انَّه يَلْفَي له
لَيَّام ع الْبْنادم يْبرمَنْ بالدَّاله .. ما هْناك يوم ولا وراه طلِيبه
ما هناك يوم ولا وراه طرِيده .. تْجِيبه بالشّقا ليله هْموم نكيده
وتجيه بالهَنا ليله افراح سعيده .. الليل والنهار يجَنْ بكل عَجيبه
الليل والنهار يجَنْ بكل أَوامــر .. يخلَّن اللي مرتاح ديما سامر
وكم هدّمَن من بيت باهي عامر .. مْبات الجّْلاوي كي الليل يجيبه
مبات الجلاوي وين عاز مْباته .. وضاقن عْيونه والطريق رماته
يلاقُّوه يجَّارَوا الكل وَشْناتـــه .. مْلاقاةْ صاحب جا بعَدْ تغْييبه
اجواد كيف مَولي البيت كي مولاته .. كيف الضّنا في الجُّود كي العَزِيبه
يبقوا كلهم حضّار في نَدْهاته .. وهو تْقول منهم ما تْطقَّه غِيبه
راحوا ، وراح البيت وفْراشاته .. وراحوا فراسِينه ، وراح سبيبه
ما يلتقن تَوّا الا ناياتــــــه .. وجرّةَ نضادِيَّه ، ومَبْروك نِيبه
احــــوال اشْقَنّـــــا .. بْلِيقه جدِيده كل يوم يجَنَّا
احوال حوّلَنْ لَسْلام نَيْن غَبَنَّه .. بعَد صوْلته ماعَدْ عَدُو يدْوِي به
اللي كان فيما فات واخذ طَنَّه .. حَكَم لنْدلس واوطان مِيشْ قريبه
في قرْطبه واشْبيليا طاعَنَّه .. وياما رفَعْ فيهن الصّوت خطيبه
وياما حكَمْ فيهن بْنَصّْ السّنه .. وكل من يخالفها السيف نصيبه
وياما ماكاتِيب الخَليفه جنَّه .. وياما قرَوْهن يرجْفُوا م الهَيْبه
وياما كسَرْ من جيش كان مْعَنَّى .. وسَيَّب بْـــلاداته جـلا بالخَيْبه
ما هْناك شِى مطرح ولاخشَّنَّه .. جْيوشه اللي كانَنْ شْوَيْ في طَيْبه
نين الحَكايم كلهن هابَنّه .. فْرانسا ودولة طاليا الغَضِيبه
في وطنهن تمَّن كرايس منَّه .. محــــا دِينْهن واطَي مقام صلِيبه
يشِيلن عَقَاب الليل ما يَرْجَنَّه .. كيف يَعْلمَنْ جَيْشه نزَلْ في الصِيبه
واللي يريدْها حالاً بْها ياتَنّه .. كيف تصـْــــلْهن منَّه مغير كتِيبه
خَطَّرها احوال الوقت كيف فْطنَّا .. لْقِينا لْهن بَرْمات وتْشقّلِيبه
اوقات يبْرمَن لَحوال ويوَاَلنَّا .. واوقات للبْنادم عندهن تغْضيبه
واوقات يعْكسَن واوقات يَبْقن لنَّا .. وديما لهن ضحْكَه بعَدْ تكْلِيبه
كَنَيِّب يَبْرَمَنْ ليام ويواتَنَّا .. نمْشُوا لوطنْنا رحمةْ الله قريبه
بْجَيش ينْطرح سوْقات فوق حْصنّه .. لا يزيدْ لا ينْقصْ الفَيْن كتِيبه
اللى هذا شوق الحَرْب لهْ يدّنَّي .. حْلاَطه جديد ودْقرْتَه امّ حْرَيْبه
جميع الذّخايركل وَانْ يجَبنَّه .. ما يعُوزحتي سلك من تُوظِيبه
نْعَدّوا مْعاهم ما نفَر يسْتَنَّي .. معاجيل سدَّيْنا من التغريبه
اللي يموت ماو نادم يجي للجَّنه .. الموت سَهْم طايش كل حىّ يصيبه
واللى يعيش في وطْنَه هَذَاك تهَنَّي .. يعيش حرّ ويحّيدْ دارهْ قلَيْبَه
وآخر كلامي هذا ما نْتمَنَّي .. وربي كريم ما عَليه صعِيبه
| |
|
| | |
SaRaBsal
مشرف قسم الأدبيات
عدد الرسائل : 605
الأوسمة :
مزاجي :
تاريخ التسجيل : 05/04/2008
| | موضوع: رد: أحوال حايلة الثلاثاء أغسطس 05, 2008 8:30 pm | |
| (بو رويلة المعداني)
احوال حايله دون المنام وراحه .. احوال جبْدها للرِّيق فيه كلاحــــه
كيف منو وارد بِيرْ تاوْ نزاحــه .. وكيف منو واحِي في التّْراب طليبه
كيف من اصَّدَّر قو خابْ سْلاحه .. تاو النّدَرْ بتْصير له تكذيبـــــه
***
احوال حايله دون المنام ونومه .. احوال جبدها للناس فيه حرومـــه
كم خصّْ خالى كان علَّوا كومـه .. وكم قصر خلَّاه الزمان زريبــه
وكم عبد نازل في منازل غُومه .. وكم بَىّْ في حالةْ صغا وهَزيبــــــه | |
|
| | |
SaRaBsal
مشرف قسم الأدبيات
عدد الرسائل : 605
الأوسمة :
مزاجي :
تاريخ التسجيل : 05/04/2008
| | موضوع: رد: أحوال حايلة الثلاثاء أغسطس 05, 2008 8:34 pm | |
|
(الفضيل المهشهش)
احوال يبكن .. احوال ع اليمين وع اليسار يتَكَّن
احوال خلّفن عقْدات ما ينفكن .. باب النجا منهن الله يجيبه
احوال على المصالح بالفساد تفكَّن .. تفْكاي الطّليب منين دال طليبه
***
احوال تشيب .. احوال حايله دون المنام الطيب
احوال جبدهن للناس فيه تريب .. احوال ما اتفرزهن منين صيبه
ان كان هو جفاك اللي حذالك قريب .. وهو حبيب يا صاحب لمن تشكي به
***
احوال حَسوفه .. ما ينتسن لا عند قطْر الصّوفه
من خاشْ خوك يبقى لك حسودي نوفه .. حلال الجّلا منَّه بعيد تْسيبه
لا الوذْن تسمع لا العين تشوفه .. خير من مْقاقاتك وجبد سريبه
***
احوال تفارج .. احوال عفْنْهن ع الزَّيْن توا دراج
احوال خلّفن حتى الحمار يهارج .. في هَيْلعا من خاف من تنييبه
***
ما خاف من تهْريمه .. ولا خاف م الهيْلع يقلّ القيمه
لا سْبدّْ م الدنيا لها تبْريمه .. ينزل اللى راقي بغير دريبه
**
احوال وحالي .. احوال كيدهن ع اللى مقامه عالي
الجّارح اللي فيه السّْيور مدالي .. لا يقرب الحوزه ولاتمشي به
***
احوال جن في ساعه .. احوال يقلبن كي قلْبْه الزَّعْزاعة
احوال ركّبن في وطنْنا بوزاعه .. احوال ودّرنّا كل حد في صيبه
** *
احوال مشومه .. احوال ما معاهنشي هني في نومه
احوال حاطات الصقر تحت البومه .. حتى ان فك منها تلحقه وتْجيبه
***
تلحقه وتطقَّه .. عليه طايبه ترميه وين تحقَّه
ان كان راجعت عطبك عليها نقَّة .. الصقر بوجرس يقدع علي تنسيبه
***
احوال يجدن .. احوال كيف عقدات الجّراد يمدَّن
احوال يخطرن باشغال ما ينعدن .. حايْزات من دون الحبيب حبيبه
احوال خمّمن جابن بعيد وردَّن .. على وطن يا ناري اليوم ذهيبه
حايز بلاداته عدو انسدن .. وكم نفس شرقانه معاه تعيبه
خلى دموعها فوق الخدود يهدن .. وكل وقت عاطيها ستاك هزيبه .
-------------
أتمنى أن تعجبكم أول مشاركة في هذا المنتدى الجديد
منتدى الشعر الشعبي
وللأمانة الأدبية
الشعر منقول من أحد المنتديات الليبية
| |
|
| | |
N007
مشرف القسم العام
عدد الرسائل : 1426
العمر : 38
الأوسمة : 
الأوسمة : 
مزاجي : 
تاريخ التسجيل : 04/05/2008
| | موضوع: رد: أحوال حايلة الثلاثاء أغسطس 05, 2008 11:52 pm | |
| - اقتباس :
-
أتمنى أن تعجبكم أول مشاركة في هذا المنتدى الجديد
منتدى الشعر الشعبي
هذا كلام يا راجللا وشنو اتقول اتمنى تعجبناعيب يا..SaRaBsal......يكفي ان اول موضوع امنزله انت...أشعار حلوهوبالذات ابتاع..الفضيل المهشهش......مشكور علي اللفته الحلوه.... | |
|
| | |
ahly
طالب جديد
عدد الرسائل : 93
تاريخ التسجيل : 21/04/2008
| | موضوع: رد: أحوال حايلة الأربعاء أغسطس 06, 2008 2:35 pm | |
| بصراحة مشكور جداا
انا انموت فى الشعر الشعبى وانحب نساهم معاكم بشعر بسيط:
القصة هما ثلاث شعراء يريدون رؤية ناس أعزاز عليهم ولو فى فترة بسيطة
الشاعر الأول قال:
دقيقة نا نلحظ مرهون ........ بعدها ولى يكون يكون
الثانى قال:
حتى نص دقيقة كافى.............نلحظ فيها عز أولافى
ردالثالث قال:
رمشة عين انريد انشوفه............كبدى عل الغالى ملهوفه
انشاء الله اتكون عجبتكم | |
|
| | |
PuRe
طالب مجتهد
عدد الرسائل : 484
العمر : 37
الأوسمة : 
مزاجي : 
تاريخ التسجيل : 22/04/2008
| |
| | |
SaRaBsal
مشرف قسم الأدبيات
عدد الرسائل : 605
الأوسمة :
مزاجي :
تاريخ التسجيل : 05/04/2008
| | موضوع: رد: أحوال حايلة الأربعاء أغسطس 06, 2008 6:33 pm | |
| أخونا الغالي N007
أنا متأكد أن في جعبتك الكثير والكثير
أتحفنا مما لديك
في انتظار مشاركاتك
---------------
أخـــ ahlyــــي
بارك الله فيك على مرورك وبصمتك اللطيفة
وأتمنى أن تشاركنا في هذا القسم
بما أنك من المتمين بهذا التراث الرائع
-------------
أختنـــ PuReــي
الله يبارك فيك
وإن شاء الله نكونوا قد المسؤولية
وفي انتظار مساهماتك | |
|
| | |
ahly
طالب جديد
عدد الرسائل : 93
تاريخ التسجيل : 21/04/2008
| | موضوع: رد: أحوال حايلة الخميس أغسطس 07, 2008 2:20 pm | |
|
شكراا على الاهتمام sarabsal
انشاء الله انكونو عند حسن الضن
عندى مشاركة بسيطة تعبر عن الواقع الى موجود فيىه الآن:
البيت يقول:
الخاطر ملتمات عليه........اقرايا وارياف غواليه...........
وبيت اخر يقول:
ماعاد هناك اقرايا
العقل عندك والشيت احذايا
زعمك كيف بنصفوا | |
|
| | |
N007
مشرف القسم العام
عدد الرسائل : 1426
العمر : 38
الأوسمة :
الأوسمة :
مزاجي :
تاريخ التسجيل : 04/05/2008
| |
| | |
SaRaBsal
مشرف قسم الأدبيات
عدد الرسائل : 605
الأوسمة :
مزاجي :
تاريخ التسجيل : 05/04/2008
| |
| | |
ahly
طالب جديد
عدد الرسائل : 93
تاريخ التسجيل : 21/04/2008
| | موضوع: رد: أحوال حايلة الخميس أغسطس 07, 2008 4:50 pm | |
| ششكراا على الردود
ياريت أنشوف مسهاماتكم
يارب التوفيق للجميع | |
|
| | |
Ice
طالب مجتهد
عدد الرسائل : 256
العمر : 38
الأوسمة :
مزاجي : 
تاريخ التسجيل : 30/05/2008
| |
| | |
SaRaBsal
مشرف قسم الأدبيات
عدد الرسائل : 605
الأوسمة :
مزاجي :
تاريخ التسجيل : 05/04/2008
| | موضوع: رد: أحوال حايلة السبت أغسطس 09, 2008 5:19 pm | |
| - ice كتب:
ياصبر صبرنى على ليام...على مر..على عمر عشتا معاه كله اوهام...
ياصبر كان سراب..ضنيته شراب ...شربت لين اغرقت ما نلتام
من صوب غاليته ..ومن يوم مالا لقيته..نا عشتهن لحلام ..
ويا صبر صبرنى ..
أختنا Ice
شكراً لمروركـ
ولإضافتكـ المعبّـــرة
وإن شاء الله ربي يفرّج على الجميع
(وما بعد الضيق إلا الفرج)
ويا صبر صّبرنا | |
|
| | |
Lost MeMo
طالب جديد
عدد الرسائل : 94
العمر : 37
مزاجي : 
تاريخ التسجيل : 29/05/2008
| | موضوع: رد: أحوال حايلة السبت أغسطس 09, 2008 7:51 pm | |
|
السلام عليكم
لا ماشاء الله يا sarabsal
طلعت حاجة ثانية والله
كل يوم تبرز للأفضل
| |
|
| | |
A.S.A
طالب مجتهد
عدد الرسائل : 275
العمر : 42
تاريخ التسجيل : 12/07/2008
| | موضوع: رد: أحوال حايلة السبت أغسطس 23, 2008 6:47 pm | |
| مشاءالله عليك
SaRaBsal
ومزيد من المشاركت الرائعه | |
|
| | |
spider
طالب مجتهد
عدد الرسائل : 414
العمر : 38
مزاجي : 
تاريخ التسجيل : 12/07/2008
| | موضوع: رد: أحوال حايلة السبت أغسطس 23, 2008 9:57 pm | |
| والله من أول ماخشيت
للمنتدا عرفتك أمتاع شعر
كلام حلو
أعليت أعليت | |
|
| | |
| | أحوال حايلة | |
|
هذي قويه منك 
