مازلت نا هو نا

موضوع: مازلت نا هو نا السبت أغسطس 23, 2008 6:13 pm

السلام شباب
هضى قصيدة حلوء بكل بس للاسف مش عارف من قيلها
وان شاءالله تعجبكم

مـازلـت أنـا هـو أنـا ...... لا درت حـوش ولا خـديـت مـــراة
مكـســــور خـاطــــري
مـازلـت أنـا المنحـوس ..... لا درت حـوش ولا رصيـد أفـلوس
نجري وراء سـلفـة أنحـوس أنحـوس .... لا قـرض نبـني ولاشـريت وطـــا
ولادرت بـزنـس ولا دهـب مـدسـوس .... والحـال أهـو كـل يـوم وراء
مـازلـت أنـا هـو أنـا ..... لا درت حـوش ولا خـديـت مــــراة
مكـســـــور خـــاطــــري
مـا بنـيتـش حــوش ....... ولا درت كـوشـة ولا محـل بـريـوش
ولانـي أسطـا في الغـش والمغـشـوش ..... سـوق التجـارة مـا معـاي مشـــا
ومـانيـش مطـرب في ألاعـراس أنشـوش .... مبحـوح صـوتـي ما أيفـيـد غـنــاء
مـازلـت أنـا هـو أنـا ...... لا درت حـوش ولا خـديـت مـــراة
مكـســــور خــاطـــــــري
مـا هـنـاك أمــان ...... لا قـرض مصـرف ولا معـاش ضمـــان
ولا مصلحـة في فـلان وألا فـلان ...... أصحـاب مصـلحـة ما خـير فيهـم لا
واللي قـليـل البخـت والحفـيـان ...... الله أيصـبرة مـا خـاب فيـه رجـــــاء
مـازلـت أنـا هـو أنـا ....... لا درت حـوش ولا خـديــت مـــراة
مكـســـور خـــاطـــــري
مـا أتـقـولـش قــال ..... مـن قـبـل مـايـل ميـل بخـتـي مـــال
والحـال أهـو كيـف هـو الحـال ..... لا أيسـر صـاحب ولا أيسـر عــداء
ومـازلـت راجـل حـالـتي بطـال ..... أنـزور المصـالح بـين مشـي وجــاء
ومـازلـت نـرجـى بـوغـثيـت أطـوال ..... أم السـوالف عـالكـتـوف كســـاء
بـالك في يـوم بـتـنـقـلب ألاحـــــوال ...... وتـفـتح أبـواب الفـرج بعـد عـنــاء
وتـنـفـك عـقـدتـي وأيحـلهـا حـــلال ..... يـامـولاي يـارب السمـــــــــــــــــاء
مــازلـت أنـا هـو أنــا ....... لا درت حـوش ولا خـديـت مــــراة
مكـســـور خــــاطــــري

وعلى فكرة اخذتها من احدى المنتديات بس والله عجبتنى
والسلام

الله الله

ماشاء الله عليك

وان شاء الله خاطرك يّجبر

وعذراَ علي الانقطاع

والله مازلت أنت هو أنت

دائماً موضيعك وأشعرك حلوه

ننتظر المزيد

أبسط ياعم

مشكور خوى N007
على مرورك
ويا spider
مشكور على مشركتك

منور واجد

والله انقولك حاجه. من زمان اندور فيه الشعر هذا سامع منه أبيات من قبل حتى بعد حقيت العنوان خشيت على طول

عل المهم انخلوها على الله وخلاص .........ربك كريم

السلام
مشكور خوى ahly على مرورك
ونقولك حاجة لما تبى شىء فى الشعرء الشعبى قول عليش مديور المنتدى
والله فى جماعة صقع فى الشعر الشعبى مش انا فى خير منى فى المنتدى ويديرولك حل
والسلام