السلام عليكم ورحمة الله وبركاته
اقدم لكم قصيده حكم ووعظ للشاعر الشوماني امل ان تنال اعجابكم:
مالك غيره..........صيور يفني الحي يموت مصيره..........عقب وراك الصيت
خلي صيتك طيب..........واذكر الله واسحي الموت قريب
ماتكون قاسي راه الدنيا اتسيب..........فيها الموت ماعنداش اشيره
وما من لي ميته جت اقريب ..........والمال عنه ما نفع تكثيره
لا تقول عيل لا كبير مشيب......... لا تقول بنت كيف وصف النيره
صلي واذكر وما رجاك ايخيب..........وقول يا لله في كل شي اديره
صيور يفني..........وما يفكك المال منها نهار الدفنه
نهار الموت من الحياة اقطفنا..........قطفة لي منبوت فوق عقيره
وما ملي عنده مال نهار الدفنه..........وما فيه يوم قالو عليه شكيره
انجيت ملتجي من الضيم ما يعرفنا..........وان جيت قاصد عندهم توخيره
لا يقول صاحب لا بعده رفنا..........من يوم يومه ما وجوه حشيره
وما ملي من الفقر قايل صفنا..........وجاه في الخلا الدمع مع التقذيره
وين نسمعو عل الموت منها خفنا.........وقول الخطا ما عد جديد انديره
الله داير الموت هي مكتفنا..........ساعة اطلوع الروح واتغصويره
وتقول يا لله امغير يوم اسلمنا..........ونختم الدين والذكر مالي غيره
وانقول الحق بيك وين حلفنا ..........وننصح لي مرتكب ذنوب كبيره
صلاتي علي لي..........القول وصفنا عز الجلاله والرسول نذيره
يدور الفلك مش ثابت..........ويصفن اخباث النوايا
ويخوج الغجر كي تنابت..........ويفقر فيه الثرايا
ويصيف اخضارة النابت ..........واليابس اعروقه اتحايا
ويفرح قزازين سابت..........ويبعد شرور الخطايا
وكلمة الحق وين صابت..........اتنقض اجروح البرايا
سبحان المكاتيب جابت..........امغير بني ادم شلايا
واصحاب العقول ما انعابت..........ومشكل انواع التبايا
واورود الربيع والمنابت..........اتصيف من حرور اللوايا
واكبار العمار وين شابت..........علامة الشيب مو نهاية
والطبع مرشوق بالمثابت..........لو كانه جبل اثايا
والقوم لي طغت خابت..........ملي لهم تسليم راية
بقدرة الله ما غابت..........يقدعهم خفيف الروايا
ورياح الزها كي تهابت..........نسومه يكسي العرايا
كي فصة الثلج وين ذابت..........يذوبو القوم الطغايا
وخصاص العقول كي ازابت..........اتجيب العثر والدمايا
ياما نهيت غير...........عيني مابت وين انعلت قالت ادموعي من الخطا اتفلت
