لايفوتك اجمل الغناوي والشتاوي انت اختر وضيف من عندك

ســـــــــــــــــــــــــــــــــ الساهر ـــــــــــــــــــــــــــــــــــــلام

اخترت لكم هذا الموضوع وانشاءالله ينال اعجبكم
وهو عباره عن مجموعة غناوي وشتاوي
التي تحكي على اغلب امور الحياة معنا
والي عندا اي شي يضيفه فالباب مفتوح للجميع

واشاءالله ينال اعجابكم

* لنبدأ ب( الحلم )
حلمت يا عزيز منام ... تمنيته الليل وما كمل
راقد وجاك النوم ... كذاب ما غلانا شاغلك
اتقول في الغطا مكتوب ... يخطر عزيز ساعات نومها
خيالات ياس عزيز ... للعين وين نامت ايجن
سريب ناس كانوا صوب ... البارح منامي جابهم
معاه النوم غير خيال ... العقل يا بعيدين عندكم

* ( الذكرى والنسيان )
مرهون يالعين انسيه ... ديري عزا وين واصبري
بلا رقرقة يا عين ... انسي عزيز ياساته مضن
يكساها ضباب تحوس ... العين وين لأوهامك تجي
ننهى العين على ذكراه ... تقول نبيه لين ننظره
بكيت والبكا ماجاب ... ننساهم والله غالب علي
متورخين في الخاطر ... اعزاز ما نسيناه صوبهم

* ( مابين ارادة وعاطفة )
واخدين مافي العقل ... سواء بعاد ولا يقربوا
ترك غلاه عاش بلاه ... العقل كيف راعاك خاينة ؟
سبحان اللي هانوا ... واشقى العقل بأولاف غيرهم
بطى العقل يرجى فيك ... تغيب ليش يا مولى الدوا
العقل يا بعاد الدار ... يمسى معاي ويبات عندكم

* ( بكاء )
العين هدبها مبروم ... على عزيز يا ما باكية
ماعاد فيهن هدب ... لنظار م البكا يا غالية
خلاني عزيز يتيم ... بكاي ليل والليل ما كمل
بعد العيب جا منك ... يا عزيز مشكاهن لمن ؟
دموعي على لولاف ... سقطن في صفاء دارن حفر
ننهاهن يديرن عزم ... يمساهن الليل ويذرفن

* (الفراق )
فراق العزيز صعيب ... والصبر في غيابه كادني
ادموعي على لولاف ... نزيل غيم ريحة خامدة

* ( الارياف , الشوق )
امرايف يا عزيز عليك العقل ... حتى وانت يالاه موعره
اريافي ونار غلاك ... يا عزيز انا مانطيقهن
فراق العزيز عذاب ... وعين حزينة مرايفة
العقل مانسيهم يوم ... امرايف على طول ياسهم
مابك مرض يا عين ... على عزيز غير امرايفة
امرايف رياف الطير ... اللي في القفص حابسينه

* ( الجروح )
جروح كامدات الروح..
كاسرات العظم..
طارشات الوذن ..
سالات القلب ..
عاميات العين ..
ساحنات الكبد ..
طبيب ما على داهن ايجي .
جروحات عزيز كبار ... وساع والدوا انا منين لي
خايف العقل يجول ... يلقى الجرح ويغيب الدوا

* ( الغلا , الحب )
لا حرام ولا مسروق ... ليش في غلانا تجحدوا
بسيف الغلا مضروب ... القلب لين هادي حالته
شدي عزايمك يا عين ... يفنى العمر لا بال الغلا
اللي ما تردى مات ... اصحاب الغلا راهو الكل
بلاه مانعيش انموت ... غلاك يا علم نفس وقوت
ان كان الغلا قتال ... الدايم الله يا ارواحنا

* ( الحسد )
اللي حسدك صوب عزيز ... يعيش لا نبا لا عافية
التموا في مقاعده حساد ... عزيز مانلومه ع الخطا
عليك ميعدوا حساد ... ضروك في غلا كان نافعك
عزيز وين صار خطاه ... حساده خدوا غايتهم

* ( الخاطر )
يا عزيز وين تغيب ... ما يجيبلي خير خاطري
الخاطر مامعاه رفيق ... الا غلاك ديما يا علم
سريب غيرهم ما جاب ... الخاطر غواليه القدم
قسامي بلا غيات ... بالخاطر الله لا يجيبهن

* ( القدر , الاحترام , التقدير )
القدر هو رديع الصوب ... ان غابن قوانينه اعدم
ماهن خسارة فيك ... لقدار يا عزيز تقيمهن
في زمان قل القدر ... لقى لتراك خيرله

* ( الخطا )
مازال واجعك يا عين ... خطاهم اللي ماله سبب
خطاي من خطاك معاي ... سبق خطاك كافيته بالخطا
خطا عزيز كيد كبير ... معاه خاطري ناض وقعد
لا عزيز داير خير ... ولا خطاه لا قيله جهد
ليش يا عزيز ادير ... الصوب وانت عابي ع الخطا

* ( الصبر )
الصبر شين وزين ... عليه كان يالعين تقدري
هاك صبر داوي داك ... احسن عزاك في صاحب الغلا
الدمع ما يجيب عزيز ... الصبر خير واولى م البكا
اصبر تنال صوب عزيز ... اموالة الغلا طولة رجا

وانشاءالله منكون عسالت عليكم

مع ارق التحيات

ســــــــــــــــــــــــــــــــ الساهر ــــــــــــــــــــــــــــــــــــــــلام

و الله كلهن قوياااااااااااااااات

تسلم يدك , ,,,,,,,,,,,,,, ,

بس من وين جاااايبهن و كااان فى اخرى جيبهن و اكتبهن

و لا تحرمناااااا

منووووووووووووور وااااااااااااااااااجـــــــــد

ســـــــــــــــــــــــ الساهر ـــــــــــــــــــــــلام

الغناوي

اه من نار غلاك =بعد القلب هي فيش طامعه
غلاك هو كتاب العين=تقراه وين يضيق حالها
العين قابلت ووزنت =والعقل قال ما كيفك علم
ذابت عليه الكبد=عزيز غير ياعين ما قسم
على غلاك نين تموت =العين يا علم بات رايها
بين الغطا و النوم=معاك ياغنى ياريتنى
ان كان يا عزيز قسمت=عذابي اللي صار نحمله
انا معاك لين انموت =ولا غلاك ينساه خاطري
السامع ايقول امين =اجعلنا عزيز ديمة اقبالنا
نرجاك لين يوفى العمر =بعد غلاك مو لازم غلاء
عزيز عند ظني فيه=ولد اجواد وصون الغلاء
غلاك ما تخاف عليه =مصيون بين العين وهدبها
بلالالالالالالالالالاك مانعيش انموت =غلاك يا علم نفس وقوت

********

الشتوات

الغالي ملكنى ملك جدود=ودار مع الاخرين حدود
درنا صوب بعيد الجوابا=وان شاء الله هلنا يرضوبا
غلاكم درناله برواز=كمل مايبي غير كزاز
برواز غلاكم شلناه=وسط الخاطر حطيناه
وين يجي راسى لوسادي=يخطرلي موال مرادي
نرقد فى نومى متطرف=نخاف بأسم عزيز نخرف
***********

ســــــــــــــــــــــــــــــــ الساهر ـــــــــــــــــــــــــــــــــــلام