بـــــــــــنت اجوووووووواااااااد

سلامي علي اللي تعـد قولـة قـال
وتعرف حقوق الجـار والوالديـن

وتخشى الله فـي القـول والأفعـال
ماتديـر عيـبـه لا النـفـس تهـيـن

جميل طبعها تقول من بنات هلال
وربـي عطاهـا مـع الحكمـه زيـن

كريمـه سقيمـه صـادقـه الأقــوال
والعقـل كـامـل بالحـيـاء والـديـن

تنشـد علـي الجيـران دوم تسـأل
وبالضيـف تـفـرح مــاده ليـديـن

تواسي إللي ضايـق عليـه الحـال
وتشارك إللي في خيـر فرحانيـن

وتغفـر تسامـح فـي كتـيـر هـبـال
ماتعـابـي الـلـي للعـيـب دواريــن

وتــدز دوقتـهـا ألـــوان أشـكــال
لجيرانهـا فـي كـل وقــت وحـيـن

بـوهــا مـعـنـى للـصـغـأ حــمــال
فـارس سليـل أجــواد معروفـيـن

والخـال لـو ريـتـوه عــز الـخـال
راجــل كـريـم وطـاهـر الجديـيـن

والأم نـوصـفـهـا لــكــم مــحــال
شريـفـه عفيـفـه فـايـزه بالـزيـن

إن كان ريتها تزها تشوف جمال
وإن رافقتهـا تلقـى العقـل رزيـن

علـي بنتهـم الأجـواد مهمـا قــال
القـايـل يقـصـر والـكـلام رزيــن

تعلـت علـي سايـر النسـا بأفعـال
كريـمـه عطـاهـا ربـنــا الحـنـيـن

تكـرم الضايـف مـي ربـة أبـخـال
حنونه علي المحتـاج والمسكيـن

والبنت أمهـا قالـوا زمـان أمتـال
والـتــوب مايـنـفـع بـــلا كـمـيـن

خطرها علي اللي وصفها مـازال
ماريـت كيـفـه يــوم فــي حيـيـن

كبيـر عقلهـا واتـق كمـا الجـبـال
وسيع بالها تسمع الحـال الشيـن

تفـرح إن كـان جاهـا زهـا ودلال
وتشكرالمولـى دوم فـي الحالييـن

والـزول مرشوقـه تـقـول غــزال
ومنطـق يجلـي هــم كــل حـزيـن

ربـة عصـارة مــوش م الإنــدال
ولاهـم مـن اللـي ناقصيـن الديـن

مشهوره وبيها تنضـرب الأمتـال
ولاماتلناهـا فــي البـنـات إتنـيـن

‏ وحـب الوطـن فـي دمهـا مـازال
هـو روحهـا وأنفاسـهـا والعـيـن

‏ وهــادي الليبـيـه الـلــي يـنـقـال
فـي وصفهـا كــل الـكـلام الـزيـن

ابدعتي والله واحسنتي الأختيار

واتحفينا بالمزيد من الأشعار
الرائعة

وتسلم ايديك يا بنت الأجواد

اختك alwarfalya

السلام

ابدعتى ياهدوء

ربـة عصـارة مــوش م الإنــدال
ولاهـم مـن اللـي ناقصيـن الديـن

والسلام