شكراً ... لرغبتك في الانضمام إلينا .. ( تصميمي . نت )
شكراً ... لرغبتك في الانضمام إلينا .. ( تصميمي . نت )
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.



 
الرئيسيةالتسجيلدخول

 

 عندى حكايا يابحر كاميها ......

اذهب الى الأسفل 
3 مشترك
كاتب الموضوعرسالة
هـــدوء صـــاخب
طالب مجتهد
طالب مجتهد
هـــدوء صـــاخب


عدد الرسائل : 606
العمر : 35
مزاجي : عندى حكايا يابحر كاميها ...... 01010
تاريخ التسجيل : 31/07/2008

عندى حكايا يابحر كاميها ...... Empty
مُساهمةموضوع: عندى حكايا يابحر كاميها ......   عندى حكايا يابحر كاميها ...... Emptyالسبت مارس 14, 2009 9:07 pm


عندى حكايا يابحر كاميها ...... Night-waves

عندي حكاية يا بحر كاميها .. أمفيت انت ما عندي لمن نحكيها
حكاية غالي .. عدّا وخلالي سمور ليالي
هو غاب وانا زاد غاب دلالي .. وخلا العين ديما منفلت ماقيها
يمين حالفه ما عاد تالف والي .. رضيت الياس وياسها راضيها
لا لها عدو ولا عاد تريد غوالي .. رصيد م الكواين عزها يكفيها
ولا تريد ضحك ولا تريد تسالي .. تعشق الحان الياس وتسليها
يجتمعو مع نسمة الليل التالي .. عطاشنه اتجيه وكاسها يسقيها
ولمباكر تنوض مهوطه وتخالي .. مفعوله قوي بالحيل ومقسيها
ونا يا بحر تميت كاره حالي .. لا عرفت ننهاها ولا نرخيها

حكاية ياسي .. الطايل اللي منه اكبر وسواسي
على اثر موح مستاصل ابقي مجلاسي .. صعب مع اللي قعدته شاهيها
والوقت جرني جرة زعيم سياسي .. دخلني دروب ضلال ما نبيها
واعدمني الثقة في قرايب ناسي .. كامي عليها ما لحد نشكيها
علي صغر سني ذقت مرّة كاسي .. مفطوم ع الكواين فرحتي ناسيها
و لا ارضيت لا نرضى نواطي راسي.. الدنيا سواء عندي الله ناشيها
ولا نقترب م اللي كبار كراسي .. عصران نفس خالقها الله يغنيها
وحتى ان كان هو بيد حديده فاسي .. جبال دنيتي لازم انخش عليها
يا نموت فيها يا يصير خلاصي .. ونلقى اصحاب عقول ونغاليها
وما خانّي صادق معاي احساسي .. متوقع بشاير خير مستوحيها
ايجي يوم ونثور ضد افلاسي .. ونركن قوانينه ونستثنيها
وتسمع بعد سكتة اصوات اجراسي .. تعلن لحظة فرح متمنيها
وانت يا بحر للصوب فيك مراسي .. لازم ابواخر العاشقين اتجيها
وانت سبب عله وفيك مآسي .. يصيرن امغير الموج يمحا فيها
ونا علي شطك نفض اكياسي .. حكيت لك بقصة للنجوم ارويها

انزاحت داره .. اليوم يا بحر عني عزيز توارا
عدّا وخلا ف الكنين اشاره .. مرسومة وما اساع صار ما يمحيها
ولنظار تمن حايسات سماره والنفس شارها قعده مع غاليها
تناوض علىغفلات لوعة ناره .. ونصبي بحيل جهدي ونواطيها
اووين ما درست القيتا منهاره .. افكاري قديمة بذكره ارابيها
وقعة خواجه في عرب قمّاره .. علايل وهم وياس متكفيها
وقعت بينهم وانست كل اخباره .. الغالي وتمن هن اسباب التيها
وانت علي شطك هناك مناره .. ترشد التايه من بعيد ايجيها
لكم تحياتى


الرجوع الى أعلى الصفحة اذهب الى الأسفل
قوت القلوب
طالب مجتهد
طالب مجتهد
قوت القلوب


عدد الرسائل : 221
الأوسمة : عندى حكايا يابحر كاميها ...... Empty
الأوسمة : عندى حكايا يابحر كاميها ...... Empty
مزاجي : عندى حكايا يابحر كاميها ...... 00510
تاريخ التسجيل : 07/02/2009

عندى حكايا يابحر كاميها ...... Empty
مُساهمةموضوع: رد: عندى حكايا يابحر كاميها ......   عندى حكايا يابحر كاميها ...... Emptyالإثنين مارس 16, 2009 3:46 pm

حكاية غربه

حكاية الطير اللي مفارق سربه

حكاية مكتوبه براس الحربه

حكاية كدر ماريت فيها طربه

لومي عليك يابحر في القاع اخفيها

مشكورة اختي هدوء علي نقلك المميز

قصيده معبره جدآ واكثر ماعجبني فيها

علي صغر سني ذقت مره كاسي

مفطوم عالكواين فرحتي ناسيها

تحياتي
الرجوع الى أعلى الصفحة اذهب الى الأسفل
SaRaBsal
مشرف قسم الأدبيات
مشرف قسم الأدبيات
SaRaBsal


عدد الرسائل : 605
الأوسمة : عندى حكايا يابحر كاميها ...... 001210
مزاجي : عندى حكايا يابحر كاميها ...... 02410
تاريخ التسجيل : 05/04/2008

عندى حكايا يابحر كاميها ...... Empty
مُساهمةموضوع: رد: عندى حكايا يابحر كاميها ......   عندى حكايا يابحر كاميها ...... Emptyالثلاثاء مارس 17, 2009 2:08 am

أحسنتِ ، نقل مميز



و القصيدة للشاعر الليبي بوبكر رابح


ننتظر منك المزيد يا هدووووووووووء
cheers

_________________

عندى حكايا يابحر كاميها ...... Fpu7m1sk5pfe
الرجوع الى أعلى الصفحة اذهب الى الأسفل
 
عندى حكايا يابحر كاميها ......
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
 :: أدبيــات :: أشعار من هنا-
انتقل الى: