امواجــــــــــــــع الصاحـــــــــب ...

اليــــوم كنت قاعد في الصبح أنقلبج في أوراق وحاجات هكــي
فلقيت قدامي جريدة أخبار بنغازي
أبتاع يوم الخميس يالي فات ، فخذيتها قعدت نقرا فيها
( مع اني مش من عوايدي نقرا جرائد )

المهم

لقيت شعر عجبني بكل بكل بكل بكل
فحبيت نعرضه لـــكم هنا ،، وأنشوف رايكم فيه

.. .. ..

والشعر يقول
امواجــــــــــــــع الصاحـــــــــب ... Scenic

امواجــــــــــــــع الصاحـــــــــب ... Scenic

(القصيدة للشاعر: عقوب الشرمي)

امواجع الصــــاحب و الزمــان تلاقن ... كيف ضقتن مرات ما ينــــــــــطاقن

صـــــــــــــــاحبي و زمــــــــــاني ... اتقول قارنات الراس يا حبـــــــاني

ويـاني امـــعاهن ف المرار انعاني ... وكيف ميّلن خلن اخــــــلاقي ضاقن

انــــــــريد الموده م الحبيب جفاني ... مــــــواير الخطا بانن علينا تـــاقن

هــــــــــــــــــــــــــــــم باعونـــي ... ونــــــا زاد ننســاهم اللي نسيوني

ولا عـــاد انجيهم ولا يريد ايجوني ... كــــي انسيت مدعاهم احوالي راقن

ولا عــــــــاد يبكن بالدموع اعيوني ... ولا عــــــاد عليهم في الغياب اشتاقن

(ردّ الشاعر عبدالكريم بوجديدة وقال: )

ولا يريدن طــــــــــــــــــــــــــــاري ... كثر الجفا بيّن اللــــــــــــي متواري

ولا عاد يجــــــــــولّن كي ايامك ذاري ... ولا ينشـــــدن كي قبــــــل لا ينداقن

اليوم من زعلهن واقفات اصــــداري ... انسوقهن عليـــــهم سوق ما ينساقن

امـــــــــــــــــــــــــــــــــواجع تمن ... ابحوشن معـــــــــا حوشة الليل ايلمن

لو كان من سكــــــــــــــة خطا ماهمن ... امـــــــــــواجع كبار وعمد ما ينطاقن

علي خــــــــاطري دارن اسيول وجمّن ... سير المــــــــــوده جن اصدافه عاقن

.. .. ..

إن شـــ الله ــــاء عجبتكم
Cool

سلامـــات

السلام عليكم

ما معنى الكلمات الأتية:

مــــــواير.... ذاري ....ابحوش.... وجمّن

الباين على الشعر أن المعنى حلو بس أنا فى كلمات مافهمتهنش ...!

نـــــــــــــــــــــــــــوح

عارف والله شعر غاية فى الجمال و الروعة
بس اللى اروع ..
إن جـــــــــــــــا فى وقته سبحانه الله
كأنك حاس بيا ...
بجد والله شعر فى منتهى القوة فى المعنى و الكلمات

سلمت يمينك على النقل
أخى الكريــــــــــم

تحياتى

فعلا كلمات قوية

تعبر عن مرارة الصاحيب

وانا بصراحة نبي انرد ع الشعر من عندي بس مش توا

بالنسبة لأوز

انا نعرف

مواير زي العلامة...لما تضربك امك واتقول مورت ..هذه هي المواير

ايحوشن تقريبا لما يليل الليل ويقعدن اتبارمن ويجن فالليل اتلم عنده

ايجمن يعني امتلن بكل ونين فاضن..

وهذه تقريبا ولو في تصحيح ايصلحه الأخ نوح

ومشكور ع النقل بس ابعد عن الأشعار اللي هكي

سلاااااااااااااااااااام

آخى نوح أعدتنا منك الإبداع والتميز في انتقائك للكلمات وفنك في الردود وتنسقك للمواضيع ولكن هذه المرة وضعت بهذا الشعر يدك على أعمق أجزاء الجرح وأكثرها ألما ...من الصعب تحمل مر ما يخبئه القدر بدون صاحب ...رغم أن الكثيرون يعتقدوا ا أن ليس للصاحب الأخ تأثير على تحمل مصائب الزمن إلا أن في اعتقادي أن ما يجعلنا نصمد أمام هذه المصائب هو وجود ذلك الصاحب ...ربى ما يفرق صاحب على صاحب

السلام عليكم

اضافة مميزة الي مواضيع N007 الرائعه

فكل ماتجود به رائع
سواء كان من وحي خيالك او منقول

بوركت اخي

السلام عليكم

اقتباس :

هــــــــــــــــــــــــــــــم باعونـــي ... ونــــــا زاد ننســاهم اللي نسيوني

ولا عـــاد انجيهم ولا يريد ايجوني ... كــــي انسيت مدعاهم احوالي راقن

ولا عــــــــاد يبكن بالدموع اعيوني ... ولا عــــــاد عليهم في الغياب اشتاقن

ابيات جميلة

مشكور يا نوووووووووووح

دائما متميز

تحيــــــــــــــــــــــــــــــــــــــاتي لك

N007 كتب:: (القصيدة للشاعر: عقوب الشرمي)

(ردّ الشاعر عبدالكريم بوجديدة وقال: )

غريبة ،، شكله عندي إنفصام في الشخصية
لان مانذكرش إني كتبت أسماء شعراء

امواجــــــــــــــع الصاحـــــــــب ... Secret

thanx

.. .. ..

Dr.Oz

هلا هلا ، شرفتي الموضوع
وبالنسبة لمعاني الكلمات
الاولـــي والثانية ، زي ما قالت بيور أما الاثنين الاخيرات مش متأكد منهن
ممكن صح !!

.. .. ..

This's me

تعرفي شنو هو الاروع !!
الاروع هو مرورك علي الموضوع وتعليقك

اقتباس :

كأنك حاس بيا ...

معقولة ما انحسش بيكم ، ليا قريب سنة في تصميمي
وماتبينش انحس بيكم
شكراً لمرورك

.. .. ..

PuRe

شكراً شكراً
وشكراً برضو علي توضيحك لمعنى الكلمات
وانا نستنى في شعرك يالي تبي اتردي بيه
بفارغ الصبر

اقتباس :

ومشكور ع النقل بس ابعد عن الأشعار اللي هكي

علي حسب الجو ، حيث أن المواضيع تتناسب
طردياً مع الوضع الراهن للعضو

.. .. ..

Ice

أخجلتي تواضعي
شـكـــــــــــــــــــــــراً ، كلك ذوقك
وكلامك ، مضبوط 100%

.. .. ..

قوت القلوب

شكراً ، وبارك الله فيك
هذا من ذوقك

.. .. ..

Harmony

الشكر لله ، و أسعدني مرورك
كثيـــــــــــــراً

.. .. ..

تحياتي

ابدعت
والله
اخى بارك الله فيك
وقصيدة بجد راااااااااائعة

تقبل مرورى

السلام عليكم

اقتباس :

نفهم من كلامك هنا خويه نوح ان الشخص اللي كان صاحبك بعد مافقدته تريحت ورقت

بس انا انقولك اي شخص لما يتركك اتريح بعدها فهو لا يجوز ان يطلق عليه صاحب

...وان ننصح الجميع ان يختاروا اصحابهم كويييييسسس باهييييي....
تحياتي ..وبالتوفيق للجميع

N007 كتب:: اليــــوم كنت قاعد في الصبح أنقلبج في أوراق وحاجات هكــي
فلقيت قدامي جريدة أخبار بنغازي
أبتاع يوم الخميس يالي فات ، فخذيتها قعدت نقرا فيها
( مع اني مش من عوايدي نقرا جرائد )

- - - -

و انت كنك اليوم نازل منايشات وخلاص

يادارك انجل

انصحك اتغير اسمك دارك منابش

الورفلية

أولاً : وينك ! وينك ! وينك !
ثانياً : أسعدني مرورك ، والمهم ان القصيدة عجباتك

.. .. ..

Lost MeMo

تسلملي أنت ونصايحك ، يا غالي
و البـــاقي توا نحكوا فيه فيس تو فيس

.. .. ..

Dark Fretful

خيرات ،، بس انت مقتبس من غير اي اضافات
خير في شئ ؟؟
ولا كان في حاجة ومحوهــــا لك
قول قول ماتنكسفش عادي

.. .. ..

PuRe

تم تغيير الاسم

N007 كتب:: Dark Fretful

خيرات ،، بس انت مقتبس من غير اي اضافات
خير في شئ ؟؟
ولا كان في حاجة ومحوهــــا لك
قول قول ماتنكسفش عادي

.. .. ..

يا N 007 أنا لم اقتبس بل " كنت معلق تعليق " الباين أنه "
عيون Toy2

الرقابة المصرية
" رأت انه " يخدش مشاعر المشاهد العربي"
الله أعلم منو من الســـــــــــــــــــــــــــــادة الأشراف اللي حذفه؟؟ .
لكن أنا ما بحكي "شكلين "يعني مش حنعاود اللي كتبته. أبو شهاب

لو حابب تعرف شن كان الموضوع فعلى ما أعتقد هو يتعلق بدور الأستاذة "قاتن حمامة" في المسلسل العربي " الدرامي الشهير " ضمير أبلة حكمت " اللي خطرها بالمناسبة هو مسلسل بناء جدا و هادف اجتماعيا و عائليا .
و إنشاء الله حيكون لنا نقاش live يخص هذه المشاركة "و التي لأسباب مجهولة و أحداث متشابكة"اختفت" أو سقطت سهوا.
.........................................هذا و اللــــــــــــــــــــه أعلم scratch

هذا بالنسبة للتعليق اللي انحذف .

و بالنسبة لموضوع امواجع الصاحب .
قهو قصيدة واقعية تتحدث عن واقع موجود, لا يمكن انكاره .
بس الأفضل انه الشخص مايهتمش " يعني مايدققش واجد"

و صدق من قال : اللي فاتك فوته ,
و في مقال انجليزي يقول
It's no use crying over spilled milk

, و بالتالي تحصيل حاصل " الحل السليم " في مثل هذه المواقف هو = التبليــــــــــــــــــط

Dark Angel

أولاً ،، ما يخص التعليق

ضحكتني والله ،، عيون الرقابة المصرية
جت علي ضمير أبلة حكمت ، ما ابلة حكمت مصرية حتي هي

وبما إن المسلسل كان بناء وهادف زي ماتفضلت وحكيت
المفروض قعد راهي درتله دعاية و الواحد شافه ممكن يستفيد منه
انا عــن نفسي مش شايفه المسلسل ، بس لو كان زي ماقلت حندوره

.. .. ..

ونستنى فيك ،،
أصلاً
( منبر نوح)
منبر من لا منبر له

.. .. ..

ثانياً ،، ما يخص القصيدة
كلامك صح بكل ، والتبليط أفضل وسيلة للدفــــاع

.. .. ..

بس يا شيخ حقق قي قصة إلغاء المساهمات
( بالك تطلع ظالم اي مشرف من سادة الإشراف أو الادارة)
إحتمال المنتدى يكون فيه
( بسم الله الرحمن الرحيم )
جن يعني
( )

.. .. ..

سلام توا

وديما أقرا المعوذات باهي