خنزير بري نافق بليبيا!!!

العثــــــــــــــــــــور على خنزيـــــــــــر‮ ‬بري‮ ‬نافــــــــــق في‮ ‬مليتة

اتخذت الأجهزة الصحية والأمنية أمس إجراءات احترازية فورية عقب العثور على خنزير بري نافق بمنطقة مليته بالمؤتمر الشعبي الأساسي الجديدة بشعبية النقاط الخمس لمعرفة أسباب وجوده وظهوره خلال هذه الفترة بالذات التي ينتشر فيها وباء الخنازير في العالم رغم أن هذا الحيوان لا وجود له في ليبيا نهائيا ..

وباشر فريق من الصحة البيطرية بالشعبية بفحص هذا الحيوان للتعرف على أسباب نفوقه وأخذ عينات من دمه وتشريحه للتأكد من خلوه من أية أمراض قد تكون معدية..

وأبلغ مصدر مسؤول بالشعبية صحيفة أويا أن الجهات المعنية ستقوم بإجراء مسح ميداني شامل على المنطقة التي عثر فيها على هذا الحيوان والأماكن المجاورة لها لتحديد أسباب ظهوره في هذه الفترة بالذات..

وتدفق على المنطقة مسؤولون من الصحة البيطرية وجهاز حماية البيئة وجهاز الحرس البلدي والأمن العام ومركز الأمراض السارية والمتوطنة ومكافحتها غير أنهم رفضوا التعليق لوسائل الإعلام عن هذه الحادثة ..

مؤكدين بأنهم سيعلنون ذلك خلال جلسات علمية ستعقد بهذا الخصوص غير أنهم لم يحددوا موعداً لذلك ..

هذا وقد تم التخلص من جثة الحيوان المذكور والذي تبين بأنه من جنس الذكور بحرقه داخل حفرة وتعقيم المكان الذي وجد فيه كإجراء احترازي ضمن سلسلة الإجراءات الاحترازية التي سبق وان اتخذتها البلاد لمنع انتقال وباء هذا الحـــــيوان إلى الأراضي الليبية .

المصدر: صحيفة أويا

يســـــــتر الله

***

تحيـــــاتي لك

يستر ربي انشاء الله خير ساد الطيور يلي نلقوا فيهن طيحات في الحدائق العامة
ربي يلطف بينا
مشكور اخ سراب علي الموضوع القيم والخبر وتوعيتنا
موفــــــــــــــــــــــــــــــــتق

خنزير في ليبيا .. ؟!
و بري..!

نسأل الله السلامة ،
و إن الموضوع ما يتعداش إنه يكون مصادفة أو شئ من هذا القبيل ...

مشكور على الخبر ..

HarMonY

إيه ربي يستر إن شاء الله

ولكِ تحياتي

------

soulful

عافانا الله وإياكم

وشكراً لمروركـ الكريم

------

Main Observer

لا داعي للاستغراب

فقد تعجبت مثلكـ واستداعني ذلك للبحث ملياً قبل نقل الخبر

فتأكدت من مصدر مثل هذه الخنازير البرية

أترككم مع هذا الاقتباســـ:

اقتباس :

قرأت مانشر بصحيفة اويا بتاريخ 20/5/2009 بشأن العثور على خنزير برى فى منطقة مليته بغرب طرابلس وقد كتبت هذه الصحيفة استغرابها الشديد عن وجود مثل هذا الحيوان بليبيا وظهوره فى هذه الفترة بالذات وكأن هناك من يتربص بالشعب الليبيى لنشر عدوى انفلونزا الخنازير .

وقد افادت صحيفة اويا ان جميع الأجهزة المختصة والأجهزة الامنية كانت فى عين المكان نظرا لخطورة الوضع وهذا دليل على السبات التى تعيشه تلك الجهات المختصة فى ليبيا.

ولكن للأسف الشديد اصبح العمل الصحفى فى بلادنا يكلف به كل من هب ودب فنشر المواضيع بدون استقصاء المعلومة او الجهد من اجل الوصول للحقيقة غير واردة لدينا مما دعا العديد ممن يدعون وظيفة الصحفى او المراسل إلى كتابة اشياء هى من نسج خيالهم ولا وجود لحساب او عقاب من قبل المسئولين بتلك الصحف والمجلات والتى اصبحت مكانا خصبا للأخبار والاقاويل الكاذبة وبدون مصدر.

لقد ظهرت هذه الخنازير البرية منذ اكثر من اربع سنوات فى تلك المنطقة (من راس جدير إلى مليته) والسبب فى ذلك يعود إلى ان السلطات التونسية اقامت منذ اكثر من عشر سنوات محمية لهذه الخنازير بمنطقة الكتف والتى تبعد خمسة عشر كيلومتر غرب البوابة الليبية فقط.
وقد ابلغت السلطات التونسية السلطات الليبية منذ سنوات دخول بعض الخنازير إلى الحدود الليبية وشاهد العديد من المواطنين تلك الخنازير فى المناطق القريبة من الحدود مثل منطقة بوكماش حيث صدم احد المواطنين خنزيرا برياً فى طريق بوكماش راس اجدير وبالتحديد بالقرب من بوابة الأمن العام 2007. وشوهد من قبل المئات من المواطنين المارين بالطريق.

--------------

و الله يستر الله بجد اول ما علمت بالخبر تفاجأت

و إلى اثار تساؤلى انه من وين جا و من هيا الجهة المسؤولة على وجود الخنزير فى بلـــــــدنا لاننا كلنا نعرفو انة محرم و لا وجود له هنا ...

و بالنهاية ماعندى ما نقولك إلا كيف ما قال عزيزى soulful من قبل

مشكور اخى كان شرحك مفصل وفاصل و الخبر مضمون و الضمان لله ...

موفق

أعتقد انه الموضوع هذا " سريب جديد " بيش يلهي الليبين .
و ماهو الا مجرد " فترش " يلهو بيه الليبيين " زي موضوع الثروة .
و موضوع رفع المرتبات
و موضع قروض الشباب . دوة * دووة.

يعني حيوان ميت في مكان ما " شن المشكلة" ؟؟
ماهو كل الكائنات الحية تموت.

توه لو خايفين من انفلونزا الخنزير " فافلونزا الخنزير , اللي تصيب الخنزير مافيهش خوف "
يعني مش فتاكة زي الانفلونزا العادية و ماتسببش اعراض الا في 5 % من البشر.
اصلا وباء الانفلونزا اللي طلع في امريكا بعد ما ختبروه , و حللو الكنديين الدي ان اي " لقوه انه هجين من انفلونزا الخنازير و الطيور و البشر . و يعتقد انه سببه يكون خطأ احد مختبرات ابحاث انفلونزا الطيور.

و بداه حاليا الحد منه و الفاكسين حيطلع بعد اسابيع معدودة. يعني عليش الخوف و الحبشتكات الزايدة.
و بعدين من قال انه مافش خنازير برية في ليبيا . "اسمه فيه , بري" و البر عندنا حده واسع من الجبل للصحراء.
و بعدين ماتنش انه الخمس منطقة قريبة جدا مع الجزائر يعني يمكن يكون جاي من الجزائر. الصحراء اللي عندنا أكبر صحراء في العالم بعد سيبيريا . و مافيش حد يندري شن فيها من خفايا . اهو طلع منها خنزير " ماهيش مشكلة كبيرة " أصلا ماخفي اعظم .
خاصة و انه حملات مسح التنوع البيئي و الحيواني في ليبيا معدومة . اهو خنزير سقط سهوا.

و بعدين حرقوا الخنزير " عليك فالطة " يحسبوه كناسة "

ماقدرش يخلوا عينة للتحليل بييش يكشفوا على وجود فايروس ان كان فيه أساسا.
و يطابقوه مع الجينوم بتاع انفلونزا المكسيك . تي كان مش قادرين عليه يدزوا بالدي اتش ال لامريكا. و هما يصرفوا.

فعيب كثرة الهرجة و نشر رعب في المواطنين من غير أدلة " هذي حاجة ربي يحاسب عليها"

اصلا حاليا سبب انتشار الوباء في أوروبا و اسرائيل هم السياح اللي يمشو لمنطقة المكسيك و الكاريبي و الباهاما " يعني عيت سعادة" = الجماعة اللي فوق الريح. ياخدوا العدوة و يروحوا
لكن نحن من منا عدا للمكسيك . و من جانا من المكسيك. علاقتنا بالمسكيك انتهت بعد انتهاء زمن المسلسلات المكسيكية , و بداية عهد التركي
فإذا أحسن لنا نريحوا ارواحنا خير
بلاش تكبير الطواطي

خطرها نسيت مشكـــــــــــــــــــــور يا سراب الله يبارك فيك

السلام عليكم
يا جماعة وسعوا بالكم كنكم تقول قالولكم لقوا الخنزير(حاشاكم) فى السبخة. راهو فى حدود ليبيا و بعدين هظا زرق من محمية مايخشلهش الا الطاقم المسؤول عليها أو عدد محدد من الزوار كل شهر عشان ما تتحولش لبيئة حضرية.
و يا سيد آنجل السيد سراب وضح من خلال نقله للتقرير ان جماعة السلخانة silent

....قصدى مكافحة الامراض السارية خذوا عينات و طوقوا المنطقة بالاشعة تحت الحمراء و فوق البنفسجية .. يعنى زى ما شفت فى أفلام هوليوود.
و أخيراً تخلصوا منه بالطرق المتعارف عليها فى مكبات القمامة...قصدى فى معاملنا و مختبراتنا . study

لذلك حافظوا على الهدوء و احمدوا ربكم جتكم خفيفة تى فى ناس فى السعودية مرعوبين من الزلازل و نحنا ميتين رعب من طشة خنزير.
و لا يهمكم كل الجهات و الهيئات المعنية بالامر أولت الموضوع كامل اهتمامها و رعايتها فنصيحتى للجميع ..ارقدوا و فى بطونكم بطيخة صيفي انتم بين أيدِ أمينة.
و شكراً يا أخ سراب على موافاتنا بآخر الاخبار و الله يرحم هالخنزير و انشاءلله يطلع بريء من تهمة الانفلونزا هذى ماساد مات و أخرى يشوهولا فى سمعته.
تحياتى للجميع و آسفة عالاطالة.

True blue من غير ستة وثمانين

بالنسبة للتحريم فهذا الخنزير البري مش الخنزير بتاع الهام بيرجر

هذا الخنزير بتاع تيمون وبومبا

انظر الشكـــل (1)

----الشكل(1) يبين بومبا وهو في ريعان شبابه----

أخي ترو

شكراً ومشكور وتشكّرات والشكر لله ثم لك، وشكاير خمس قروش وكله

أهلين دارك إينجيل آنست وشرفت

اقتباس :: أعتقد انه الموضوع هذا " سريب جديد " بيش يلهي الليبين .
و ماهو الا مجرد " فترش " يلهو بيه الليبيين " زي موضوع الثروة .
و موضوع رفع المرتبات
و موضع قروض الشباب . دوة * دووة.

ياسيدي مافي حد محتاج يلهي حد

المسرحية وفصولها يتم عرضها في وضح النهار

والجمهور يتفرج بهدوء تام

silent

اقتباس :: يعني حيوان ميت في مكان ما " شن المشكلة" ؟؟
ماهو كل الكائنات الحية تموت.

توه لو خايفين من انفلونزا الخنزير " فافلونزا الخنزير , اللي تصيب الخنزير مافيهش خوف "
يعني مش فتاكة زي الانفلونزا العادية و ماتسببش اعراض الا في 5 % من البشر.
اصلا وباء الانفلونزا اللي طلع في امريكا بعد ما ختبروه , و حللو الكنديين الدي ان اي " لقوه انه هجين من انفلونزا الخنازير و الطيور و البشر . و يعتقد انه سببه يكون خطأ احد مختبرات ابحاث انفلونزا الطيور.

اممممممم

حدّث معلوماتك

آخر دراسة قالت أنه الاحتمال الأكبر يكون re-assortment بين نوعين من انفلونزا الخنازير في بعضها

بعدين يجب عليك الأخذ بعين الاعتبار

أن الــ mortality rate بتاع مرض مثل هذا قد توصل لــ 10% وهذا رقم مش هيّــن إذا حطينا ببالنا أننا قاعدين في القرن الواحد والعشرين

على قولتك ، حتى عيب يعني أن يصير وباء أسود مثل هذا في البشرية وهي على هذا المتسوى من العلم والتقدم.

اقتباس :: و بداه حاليا الحد منه و الفاكسين حيطلع بعد اسابيع معدودة. يعني عليش الخوف و الحبشتكات الزايدة.

(اسمها حبشتكلات مش حبشتكات)

بعدين هذا هوا المطلوب أصلا

فكر بطريقة خارجة عن الطريق اللي راسمينه لفكرك ،، فكر مثلاً أن يكون كل اللي صار مجرد بلبلة عشان الدول النايمة تشري الفاكسينات

وبالتالي قد يجنح بينا التفكير إلى أن كل اللي صاير مش خطأ في مختبر زي ما حضرتك فكرت

ولكن الموضوع بفعل فاعل

و put in consideration

الــ financial crisis المتزامنة مع هذه الأحداث

هذوم ناس توقع ايديروا أي شي عشان البازيلي وعشان يلمّوا الوضع المطرطش عندهم

خصوصاً لو إنك تحكي مع حد في أرض الواقع هناك

حيقولك أن الشارع الأمريكي خالي تماماً من هالمعمعة اللي صايرة عندنا

(وهذا مش كلامي أنا بس ، بل توقعات كثيريـــــن وجاري البحث في هالموضوع على مستوى عالمي)

اقتباس :: و بعدين من قال انه مافش خنازير برية في ليبيا . "اسمه فيه , بري" و البر عندنا حده واسع من الجبل للصحراء.
و بعدين ماتنش انه الخمس منطقة قريبة جدا مع الجزائر يعني يمكن يكون جاي من الجزائر. الصحراء اللي عندنا أكبر صحراء في العالم بعد سيبيريا . و مافيش حد يندري شن فيها من خفايا . اهو طلع منها خنزير " ماهيش مشكلة كبيرة " أصلا ماخفي اعظم .
خاصة و انه حملات مسح التنوع البيئي و الحيواني في ليبيا معدومة . اهو خنزير سقط سهوا.

وضحتلك يا دارك في ردّي على Main Ob مصدر الخنزير البري

بعدين في شي اسمه توزيع طبيعي للحيوانات

زي ما في توزيع طبيعي للنباتات (الفلورا)

وأسأل جماعة الحيوان والنبات حيفيدوك أكثر مني

بعدين تعال هنا في حاجة اسمها خنزير سقط سهواً؟؟؟

وين أمه وباته

ولا مقطوع من صجرة (قزون)

اقتباس :: و بعدين حرقوا الخنزير " عليك فالطة " يحسبوه كناسة "

أحسن طريقة للتخلص من النفايات الطبية المعدية هي

الـــ Incineration

(بعدين هما مش موضحين كيفية الحرق)

لا فالطة لا سو
لما تجي للكوميونيتي حتفهم أكثر
ممل ه

اقتباس :: ماقدرش يخلوا عينة للتحليل بييش يكشفوا على وجود فايروس ان كان فيه أساسا.
و يطابقوه مع الجينوم بتاع انفلونزا المكسيك . تي كان مش قادرين عليه يدزوا بالدي اتش ال لامريكا. و هما يصرفوا.

شكلك ما قريتش الخبر كويس
بالفعل الإخوة خذوا عينة وداروا اللي عليهم ، وباهي اللي سترونا معاك والله
لا يمكن

اقتباس :: فعيب كثرة الهرجة و نشر رعب في المواطنين من غير أدلة " هذي حاجة ربي يحاسب عليها"

لو ما وصلكش الخبر بالصحافة، وسمعته أنت من واحد قريبك في هذك المنطقة راك قلت:

"اخص عليهم لا عندنا لا صحافة لا وسائل إعلام كويسة، معقولة شي مهم كيف هذا ما نسمعوش بكل ويطسّـــوا عليه خايفين يديروا هرجة"
وبصراحة كذلك جماعة الصحافة داروا واجبهم وسترونا معاك لكن أنت مش عاجبك كذلك
لا يمكن

اقتباس :: اصلا حاليا سبب انتشار الوباء في أوروبا و اسرائيل هم السياح اللي يمشو لمنطقة المكسيك و الكاريبي و الباهاما " يعني عيت سعادة" = الجماعة اللي فوق الريح. ياخدوا العدوة و يروحوا
لكن نحن من منا عدا للمكسيك . و من جانا من المكسيك. علاقتنا بالمسكيك انتهت بعد انتهاء زمن المسلسلات المكسيكية , و بداية عهد التركي

رح نعتبرها نكتة أو مزحة أو طرافة أو شيء من هذا القبيل
What a Face

------------

بارك الله فيك عالمرور الحلو يا دارك
مبتسم

أهلين free soul

اقتباس :: و يا سيد آنجل السيد سراب وضح من خلال نقله للتقرير ان جماعة السلخانة ....قصدى مكافحة الامراض السارية خذوا عينات و طوقوا المنطقة بالاشعة تحت الحمراء و فوق البنفسجية .. يعنى زى ما شفت فى أفلام هوليوود.
و أخيراً تخلصوا منه بالطرق المتعارف عليها فى مكبات القمامة...قصدى فى معاملنا و مختبراتنا .

حسيت روحي في هوليوود بجديات

اقتباس :: لذلك حافظوا على الهدوء و احمدوا ربكم جتكم خفيفة تى فى ناس فى السعودية مرعوبين من الزلازل و نحنا ميتين رعب من طشة خنزير.
و لا يهمكم كل الجهات و الهيئات المعنية بالامر أولت الموضوع كامل اهتمامها و رعايتها فنصيحتى للجميع ..ارقدوا و فى بطونكم بطيخة صيفي انتم بين أيدِ أمينة.

لا وشنو

الخبر لقيت عنوانه قبل النقل
(خنزير برّي نافق يثير الرعب في ليبيا)

بصراحة غيرت العنوان وقللت ما يمكن من البروباقاندا والبهارات تبع الخبر

ومع ذلك شكلكم خفتوا

سامحوني ما كانش قصدي

اقتباس :: و شكراً يا أخ سراب على موافاتنا بآخر الاخبار و الله يرحم هالخنزير و انشاءلله يطلع بريء من تهمة الانفلونزا هذى ماساد مات و أخرى يشوهولا فى سمعته.

ايه مسيكين والله هالخنزير

الله يرحمه ويحسن إليه

فلترقد بسلام أيها الخنزير
What a Face

امنورة يا فري صووول

عزيزي سراب شكرا على الرد المفصل لقد ابدعت.
بس عندي ملاحظات

اقتباس :: اممممممم

حدّث معلوماتك

آخر دراسة قالت أنه الاحتمال الأكبر يكون re-assortment بين نوعين من انفلونزا الخنازير في بعضها
.

و الله مش هذا اللي باين علي في ويكيبيديا

اقتباس :: after examining virus samples from suspected cases in Mexico, matched the strain
with those from cases in Texas and California, and found no known linkages to
animals or one another. They determined that the strain contained genes from
four different flu viruses: North American swine influenza; North American avian
influenza; human influenza; and swine influenza virus typically found in Asia
and Europe

يا تري شن القاسم المشترك مابين أوروبا و أمريكا و الشمالية و الجنوبية و اسيا إلا خطأ مختبر.

اقتباس :: أن الــ mortality
rate بتاع مرض مثل هذا قد توصل لــ 10% وهذا رقم مش هيّــن إذا حطينا
ببالنا أننا قاعدين في القرن الواحد والعشرين

الدوة هذي نفخوا بيها روسنا واجد , قالونا السارس احتمال يكون وباء القرن الحادي و العشرين , و طلع كله كلام في مهب الريح.

و بعدين الخوف الوحيد هو انه الفيروس ممكن يتحول الى هجين أكثر ضراوة.
و هذي مش مشكلة فيه هو بس . حتى غيره من الفيروسات و المخلوقات الحية يعانو من نفس المشكلة هذا ... اسماها التطور. على قولة . دارويـــــــــــــن

اقتباس :: (اسمها حبشتكلات مش حبشتكات)

بعدين هذا هوا المطلوب أصلا

الله يخليك لنا " براعتك في التدقيق اللغوي و الاملائي " ما هي إلا دقة في التنفيد و سرعة في الأداء confused

".

اقتباس :: فكر بطريقة خارجة عن الطريق اللي راسمينه لفكرك ،، فكر مثلاً أن يكون كل اللي صار مجرد بلبلة عشان الدول النايمة تشري الفاكسينات

بسلامة فكرنا يا خوي فكري . نظرية الخديعة الكبري ما تمشش علينا . ماهو شعبان عبد الرحيم قال 11 سمبتمر دارها شارون , ها من صدقه . .
و DAN BROWN قال في Da Vinci Code
انه الماسونية هي سبب خراب العالم .
و ماهو قالو أنه مثلت برمودا هو نقطة مراقبة لسكان الفضاء
هذين نظرات و مؤامرات مصدرهن الخيال و حدهن هو شاشة هوليوود. مش اكثر .

اقتباس :: وبالتالي قد يجنح بينا التفكير إلى أن كل اللي صاير مش خطأ في مختبر زي ما حضرتك فكرت

ولكن الموضوع بفعل فاعل

و put in consideration

الــ financial crisis

ها يعني بعد ما الأمريكان فلسوا فكروا ياخدوا فلوسهم من دول العالم الثالث . = جو مريض متكي على ميت .

فماعتقدش . Exclamation

لانه لو صارن ازمتين في نفس الوقت مش معناه انه الأولى سبب للأخرى

ماهو نفس الأزمة و "بالأصح أخطر منها " صارت في الثلاثينات و بداية أربعينات من القرن الماضي .

في أمريكا Great Depression .
و في 1939 هتلر أعلن الحرب العالمية الثانية . فها هذا يعني أنه بنوك ألمانيا لما فلسن مشى هتلر غزى أوروبا بيش ينهب بنوكها
.

اقتباس :: حيقولك أن الشارع الأمريكي خالي تماماً من هالمعمعة اللي صايرة عندنا

في هذا انا نقولك لا لأنه أوباما خصص وحدة من خطاباته للموضوع هذا . و في نفس الوقت
أصلا اكبر عدد إصابات هو في أمريكا و المكسيك و على ما أظن انه عندهم 3 حالات توفن.
تي هما قالبين الدنيا ورا الموضوع هذا.

اقتباس :: أحسن طريقة للتخلص من النفايات الطبية المعدية هي

الـــ Incineration

(بعدين هما مش موضحين كيفية الحرق)

لا فالطة لا سو
لما تجي للكوميونيتي حتفهم أكثر

بعيــــــــــــــــــــــــــــد السو.
مازال شهرين.

اقتباس :: شكلك ما قريتش الخبر كويس
بالفعل الإخوة خذوا عينة وداروا اللي عليهم ، وباهي اللي سترونا معاك والله

صح و الله ماقريتش بالكامل.

اقتباس :: لو ما وصلكش الخبر بالصحافة، وسمعته أنت من واحد قريبك في هذك المنطقة راك قلت:

"اخص عليهم لا عندنا لا صحافة لا وسائل إعلام كويسة، معقولة شي مهم كيف هذا ما نسمعوش بكل ويطسّـــوا عليه خايفين يديروا هرجة"
وبصراحة كذلك جماعة الصحافة داروا واجبهم وسترونا معاك لكن أنت مش عاجبك كذلك

و الله الحمد لله انه عندنا صحافة واعية و بناءة حتى خنيزير صغير

ريح الطريق من تونس و ضاع في الخمس كتبوا عليه.
لما توفى
أنا نشيد بهذه النوعية من الصحافة البناءة.

اقتباس :: شكلك ما قريتش الخبر كويس
بالفعل الإخوة خذوا عينة وداروا اللي عليهم ، وباهي اللي سترونا معاك والله

بيش تعرف أنه ربك ستار ... سبحان الله .. يستر من يشاء من عباده فاسترنا يا رب في دنيانا و و اخرتنا.