قالك (بورا بورا).. لمن يريد أن ينقهر بس

أهلاً بكم مرةً أخرى في حلقتنا الجديدة من كوكب التفاهة..... والمرة هذي نبي نخليكم تحسوا الإحساس اللي أنا حسيت بيه لما تفرجت على ها الصور هذينا....هذينا صور حقيقية لجزيرة بورا بورا... وأكيد فيه منكم اللي سامع بالاسم هذا. وكان يشفط بيه....نقولو انت جايبا من بورا بورا .... و تحسابني ن بورا بروا.... يا ريتني ريتني من غادي.. وتوا بعد ما تشوفوا الصور هذينا حتغيروا رايكم وحتسوا أروحكم قاعدين في الجنة هنا.... قالك بروا بورا.... حنخليكم مع الصور أحسن... وعلى فكرة الصور من جزيرة بورا بورا.... وهي مستعمرة فرنسية في المحيط الأطلسي.... أحد جزر التاهيتي.... حنخليكم مع الصور توا



يا رب أرحمنا....ريتو شط النيروز النظيف... تي حتى اللي يعدي للحليس يلقى البحر مسخ!!!!!!!!!!!!!!!




عارفين؟؟؟ لو نحنا نعدوا لمكان زي هذا حيجينا طفح جلدي...والله أصلاً تعودنا على البحر النظيف بتاعنا....تي هذا بحر يا عيه عليه



هههههههههه.الجحشة ولا المازدا سنفورة ولا الهوندا حداد وين حتدرسوها توا؟؟؟ههههههههههههه..ولا تبو تمشوها كمراداليات وعوامة....على أساس نعرفوا حاجة اسمها يخت ولا زوارق هنا....هذا عليش مانبيكمش تمشوا غادي... بالإضافة أن مافيش سلة مهملات...لو شكاير كناسة بلغتكم.... يعني حكاكي طماطم الحكة يبن يسقدن في المايا...مش بعدها يعرفوك ليبي ويعدموك



ريتوا الجو الشين اللي عندهم....العجاج والله ما عندهم... مش تعرفوا أن نحنا محظوظين بس... هما يتمنوا في يوم عجاج ولا قبلي...راهو ديما ديما جو سمح تمل وتتمنى تموت...على أساس



ههههههههههه.ياهو ياهو....والله ماية الكفرة اللي نشربوا فيه في شيش ولا أساس معقمة ونقية... والله لو يقارنوها بالماية هذي تطلع ملوثة وما فيه ميكروب وما فيها...ليش بس ما نكونوش زيهم...؟؟ ولا نقوللكم... نحنا الصح. ليس هما ما يكونوش زينا...ش ما تزعلوش.!!



ريتوا ال بي إم الأرنوبة اللي مدرسة قدام الخرابة....هذي لقيتها في سوق الجمعة أختها حلوية طالقينها بــ 23...عارفين شنو معنى 23؟ يعني 2300... بس حاجة صح.محرك سنترلوك وقزاز إنجكشن...وسقفها دايريلا باتوتة..شوفوا الديسكوات بس؟؟تي والله والله لو مش من الكسرة صاحبها ما يبيعها باهي؟؟؟



حقوا المطعم... تاكل وتشوف في الكائنات البحرية ( السردينة باللغة الليبية والفروج وكلب البحر) عشان تفهموا بس... تشوفهن وانت تاكل.. مش عارف كيف تجيهم نية في الوكال؟؟ يا عيه... ما فيه خير من البانكينا بتاعنا...تي حاجة لا قوة إلا بالله......ما فيه خير من وجبة الحوت على الديسة... هضوما ناس جاهلة.. وخذوا كلامي... ماتعدوش انتم الصاح!!! الستايل



لو كان هذا هنا.هههههههههه.راهو تلقى الجماعة يصيدوا فيهم كيف الشباب اللي ضاربهم اليأس قدام عمر الخيام.ههههههههههه. تاكل وتشوف الحوت قدامك يقص.تي عليك تخلف.......انظر على كم كيلو الحوت؟؟؟ لما تصيدا انت ولا هما يصيدوه في المطعم؟!!



ياهو الفكرونة هذي سكنت؟؟؟ شنو رايكم نربطوها ونشووها في الليل؟؟؟؟ ولا نلعبوا عليها؟؟؟؟؟ مقتبصة من يوميات الليبي التافه مع احترمي الفائق للناس العاقلة



ريتوا عليش اللي قاعدين في بورا بورا ديما يجنهم كوابيس في الليل.... أصلاً مرات تطلع عليه حوتة سردينة في الليل وهو راقد والبحر تحتا......هذا عليش اخترعوا الناموسية بشبك الحوت لما نوض في الصبح تلقى الشبك ماسكلك كم حوتة وكم طرف فروج تكسد عليهن في الصبح فطور.....


انا نتمنى بعد ا شفتوا الصور تعرفوا العز اللى نحنا فيه.... وتحمدوا ربكم... وتعرفوا قداش نحنا محظوظين لأننا عايشين ونمشوا كل يوم لجامعة العرب.... بس نصيحة مني أنا وريتكم الصور هذينا عشان ما تمشوش غادي. لأن في المطار حاطين صورة الليبي ودايرين عليه إكس... يعني ممنوع الدخول... يعني دور وين تصيف.. ولما تبوا تصيفوا ما لكم إلا راس الهلال.ههههههههه. لأن حتى مصر ممنوع نحنا نصيفوا فيها... تخيلوا مصر المتخلفة ممنوع نصيفوا فيها... واللي مش مصدق يعدي يشوف الفضائح قصدي التاريخ المشرف اللي دايرينا في مصيف مرسى مطروح اللي على الحدود!!!!!

ولكم تحياتي

كراع الذبانة :pig:

شكرا جزيلا صور حلو و موضوع أجمل

مشكور على الصور . بس خطرها وين تقع بورا بورا

niceeeeeeeeeeeeeeeeeeeeeee pic wa al comments kano soooo funny

اسمع بكم اجار (الخربوش) اسمع مفروض اراعونا في الاسعار ولا انعدوا لخرابيش امتعات الصابري ولا الجروثه

اكيدة نحن في العز ومفيش احلي من سي اخريبيش والسلماني و الفندق ولما تبي تقطع روحك من التهييج امشي تعش في الببسي بجد مشكور عالقهر الصور حلوووووووووووووة