لعبة شعرية

السلام عليكم

حرف الياء .. نستنى فيه من زمان

يالقديم ايش عندك فيها .. تبرم عالعين تبكيها

و توا حرف الالف .. ساهل ما عندكم ما تقولوا

موضوع: رد: لعبة شعرية الخميس يناير 01, 2009 10:21 pm

نشهد بالله انا ساااااهل

الالف قلتى

الروووووح

الرووح من كثرت غلاكـــــــــــ

اتريد .......... تقسم عليك حتى عمرها

حتى عمرهاااا

حتى عمرهاااا

موضوع: رد: لعبة شعرية السبت يناير 03, 2009 11:39 am

ســـــــــــــــــــــــــــــــ الساهر ــــــــــــــــــــــــــــــلام

صار حرف ( أ )

هدوء هيا

امفيت لعزيز عزيز ... قولت عزيز ماهي ساهله

حرف التاء تتتتتتتتتتتتت

مع ارق التحيات

ســــــــــــــــــــــــــــــــــ الساهر ــــــــــــــــــــــــــــــلام

موضوع: رد: لعبة شعرية السبت يناير 03, 2009 12:40 pm

حرف التاء حرام عليكم واعر ..
شنو اندير انا توا ..
استنوا شوية بس
اهو لقيته....
" تضايق اتريد اتموت .. يطرو نباك للعين تنفرج "
و توا حـــــــــــــــــ الجيم ـــــــــــــــم

موضوع: رد: لعبة شعرية السبت يناير 03, 2009 6:31 pm

ســـــــــــــــــــــــــــــ الساهر ـــــــــــــــــــــــــــــــلام
صعبتيها علينا واجد واجد ماقبل القيناها

ولكننا دئما موجودون للصعاب

ونقول

جرحي وين لمستا دمم...قيسا م لولاف امسمم

مع ارق التحيات

ســــــــــــــــــــــــــــ الساهر ـــــــــــــــــــــــلام

السلام عليكم

والله رايفت على اللعبة ..
أخر حرف كان الميم

ما عاد ينشد عنا ..
شقا بغيرنا ولا الظروف لهنا
عزيز مرتخى .. ما عاد ينشد عنا

حـــــــــــــــــ الالف ــــــــــــــــرف

تحياتى

موضوع: رد: لعبة شعرية الخميس يناير 22, 2009 11:31 am

ســــــــــــــــــــــــ الساهر ــــــــــــــــــــــلام

صار حرف الالف ساااااااااااااااهله

اتقول في الغطاء مكتوب ... يخطر عزيز ساعات نومها

وحرف الالف من جديد هيا

ســـــــــــــــــــــــــــ الساهر ـــــــــــــــــــــــــــلام

موضوع: رد: لعبة شعرية الخميس يناير 22, 2009 8:57 pm

سلام يالســــــاهر

حرف الالف ســـــــــــــــــــاهل بكل

هاك ..

امته يبرن فيا جروح .. عزيز امشفقنى عالروح

وتوا حرف الحـــــــــــــــاء

موضوع: رد: لعبة شعرية الأحد يناير 25, 2009 12:14 pm

ســـــــــــــــــــــــــــــ الساهر ـــــــــــــــــــــلام

يامرحبتين This is me

حرف الحاء يامسهلك ساهل بكل

امسك هيا جاتك

حلمت ياعزيز منام .تمنيته الليل مكمل

حرف( ل)

ســــــــــــــــــــــــــــ ساهر ـــــــــــــــــــلام

موضوع: رد: لعبة شعرية الأحد يناير 25, 2009 8:18 pm

أهلا و سهلا .. الساهر
حرف اللام والله صعبتها عليا ..
دورت واجد واجد واجد ..
لكن لازم نلقى
وهاك ..

لا حرام .. ولا مسروق ... ليش فى غلانا تشحدوا

و توا حرف الألــــــــــــــــف ( ساهل )
شفت انا كيف طيبة

ســــــــــــــــــــــــ الساهر ـــــــــــــــــــــــــلام

بكل اطيب منك مفيش
بس عشان انتي طيبه
خوذي هذي

بسيف الغلا مضروب..القلب لين هادي حالتا

هيا جت امعاك ورينا شطارتك

حرف ( أ )

مع ارق التحيات

ســـــــــــــــــــــــــــ الساهر ــــــــــــــــــــــلام

موضوع: رد: لعبة شعرية الإثنين يناير 26, 2009 6:08 pm

اوكــــــــــــــــــــــــــــــى
حاضر .. من عــــ Rolling Eyes

ــيونى
خوذ عندك ..

" الموت كاينة و تكون .. الواعر هو خطاك يا علم "

و توا حرف المـــــــــــــــيم ..
ورينا الابداع

موفق

اسمحولى بمشاركة ع الماشى Cool

متشتشت يا العزيز شعرك نحلف عليه مانك ماشطة

حرف التاء المربوطة.. (ة)..

ســــــــــــــــــــــــــــــ الساهر ــــــــــــــــــــــــــــلام

تبقى طيب حتى الجفاء واعر وشين ايشيب
نحمل اغيابك غير تبقا طيب

حرف

ب ب ب ب ب ب ب ب ب ب ب ب ب ب ب

ســــــــــــــــــــــــــــــ الساهر ــــــــــــــــــــــــــــلام

أأأأأأأأأأأأأأأأأأأأأأأأأأأأأأأأأأأأأه ... حرف الباء
عندى وحدة إتهبل بكل ..

"بكيت .. ما بكوا لبكاى .. ميت ضمير لولاف قيسهم"

حــــــــــــــــــــــــــــــــ الميم ــــــــــــــرف

تحياتى

ســـــــــــــــــــــــــــــــ الساهر ــــــــــــــــــــــلام

باهي شن رايك في هذي

مايوم بكيت كيف تو .. انخليك ياعزيز تبكي وتقول سمحوني

هيا هيا
وريني شطارتك

وحرف ( ياء )

ســــــــــــــــــــــــ الساهر ــــــــــــــــــــــــلام

السلام عليكم ..

حرف الياء .. امممممممممممممممم
اوكى خوذ هذى ..

يللى على إغليت .. إيحاسبك الله إنكان ما وفيت
أمعاى فى الغلا

ديما حظك ساهل
حرف الالف

تحياتى

ســـــــــــــــــــــــــ الساهر ــــــــــــــــــــلام

شكرا على حرف الالف الي ديما تحرجي فينا بيه

بس شن رايك في الحرف الجاي

انكان غلاك فلكون مطرطش نتعب وانلما بيش اتقول غلايا تما

حرررررررررررررررررررررررررررررف
(أ) في اسهل من هكي غير شن تبي بس

مع ارق التحيات

ســـــــــــــــــــــــ الساهر ــــــــــــــــــلام

شنو الحرف الساهل هذا ..
عطونا حاجة واعرة ..

الصبر يالعين طبيب .. مشكاك مالغلا زادك مرض

حـــــــــــــــ الضاد ــــــــــــــرف
حيه عليك .. دور توا

تمنياتى لك بالتوفيق
هههههههههههه ( مش شماته راه )

ســــــــــــــــ الساهر ــــــــــلام

حرام عليك حرف ( ض ) وين نبي نلقه قولولي
توا لنقاها اشويا بس
وين وين وين وين وين وين وين
اهيه القيته

ضني من خونه لولاف او جاي----انخلط في نومى با ابكاي

شكرا والله بس القيتها

وتوا حرف الياء

مع ارق التحيات
ســـــــــــــــــــ الساهر ـــــــــــــــــلام

مع انى ما اقتنعتش واجد بالاغنية
لأنى أضنى سمعتها و مش هكى تبدا
( شكلك بديت فى الغش )
لكن يلا نمشوها لكى ..
بس معاش تديرها مرة ثانية Evil or Very Mad

" يا عزيز وين تغيب ... ما يجيبلى خير خاطرى "

حــــــــ الياء ــــــرف

تحياتى

يوم بلا الأولاف يفوت*** أحسبني حسبة ميت موت

حـــــــرف التــــــــــــــــاء
***

ســـــــــــــــــــــــــــــ الساهر ـــــــــــــــــــلام

لامزال مبديت فيه
بس لما نبدا فيه انقولك ماشي
اسمعي انبصر منحبش الغش
بس شن رايك في هذي

تبريهن الا ملاقاه ****** وخايف ايموتن م الرجا

تعرفي مزال امضيقني حرف ( ض ) الي عطيتيه ليا المره الي فاتت

وتوا حرف الالف

مع ارق التحيات

ســــــــــــــــــــ الساهر ــــــــــــــــــلام

موضوع: رد: لعبة شعرية الخميس يناير 29, 2009 12:21 am

لا خللى قلبك ابيض عــــــــــــاد .. Razz

شن قتلى حرف الالف ..
كملن غناوى حرف الألف
لكن اوكى خوذ هذى ..

إيغيبن هموم العقل .. عزيز وين عينى تنظره

حـــــــــــــــ الهاء ــــــــــــــرف

تحياتى

موضوع: رد: لعبة شعرية الخميس يناير 29, 2009 12:36 pm

ســــــــــــــــــــــــــــــ الساهر ـــــــــــــــــــــــــلام

لا انبصر بس قلبي ابيض زي الثلج وكبير اتخشي فيه اتريحي

وهذا طلبك أ

هل الخاطر طول الليل ايجض ****وهلنا يحسابوه مرض

وحرررررررررررررررررررررف (ََض) (ض)من جديد

مع ارق التحيات

ســـــــــــــــــــــــــ الساهر ــــــــــــــــــــــلام