لعبة شعرية

موضوع: رد: لعبة شعرية الأربعاء مارس 18, 2009 9:57 pm

صار بتخشوا عالتحالفات ..
باهى .. عادى .. ولا بيهمنى
وأنا قاعدتلكم ..
و حرف الكاف ..

>>> كيه .. فى كيه .. فى كيه ... جن للكبد و هى مرزية <<<

و توا حرف التـــــــــــــاء

تحياتى

خلاص معناها

إعلان

جائنا البيان التالي
Cool

تلعن إدارة اللعبة الشعرية
عن إنعقاد سلسلة مؤتمرات بأسم
( معاً من أجل تضامن نوح & ورفلية )
وعلي الراغبين بالإنضام ، تسجيل أسمائهم هنا
.. .. ..

أما قصة كيف انديروا حلف ( توا انقولك بعدين )
.. .. ..

تعرفي يا ورفلية يا خوفي يفوتونا بكل ، مافش حد يخش

أسمعوا ،، نبوا اناقشوا اسباب غلا أسعار الزيت
(بيني وبينك ،، قلت هكي عشان يخشوا بس)

.. .. ..

شنو رايك يا this's me
أتخشي معانا ؟؟

اما توا انجوا ،، التاء

لعبة شعرية - صفحة 18 Girl_mad

هيا حرف التاء
تميت كيف الروسي ،، في بعدكم حافظ كل ادروسي ،، مفتك يالغلا

هيا حرف الألف

والله يا نـــــــــــوح ..
عطينى فرصة نفكر .. لأنه موضوع حياة او موت
ما نقدرش نسلمكم روحى هكى من غير ضمانات

و حرف الألــــــــــــــــــــــف

>>> العقل لو نشوخ عليه ... ينسى سريب سموه الغلا <<<

و مرة أخرى حرف الالف

تحياتى

اه صح ،، خوذي وقتك
وفكري زيييين
(فيها فلووس ومرتبات القصة)
لعبة شعرية - صفحة 18 64

.. .. ..

والالف
امدره كبدي يالمرهون ،، نين علي اقريب اتهون

هيا حرف النون

اوكي باهي
‏ يا نوح

بعدين نبي نقولك حاجة
مالقيت غير الزيت تبي
تناقشه في المؤتمر

بعدين اكيد حيسجلوا لأن
اسم المؤتمر يجنن

وانت قلت فيها مرتبات من
بيدفعلهم انا والا انت ؟

يا حليفي
وزميلي في المؤتمر

حرف النون يقولك

نموت وماننزل منازل ذله
كريم خالقي واللي خلق
ما خلا

عودة صاروخية للألف

الله غالب يا ورفلية ،، معش في حد قعد يقلي في البطاطا ما

أما ما يخص المرتبات
سلم الـــ Main Observer
توا يسلك علينا

.. .. ..

أما بالنسبة للغناوة يالي كاتبتيها
قوية بكل بكل بكل ، انهنيك عليها

.. .. ..

أما لصاروخك يالي دزيتيه ليا
اشهادة وعباده يا ليل ... انك قابل عالعين جميل

.. .. ..

ها ها ها
حرف اللام

شكرا شكرا يا نوح
احمررت خجلا من كلامك

وحتي انت غير تسلم عندك
وحدات قوا بكل

وصاروخي ساهل انا

وقلت الميم

خوذ هذي هي

خطرها بنقولك حاجة لكن
اقري هذي قبل

ماني صافي وين ما يبعدوا
يقوا علي اريافي مديورلي
خطين ماني صافي

وتوا الياء

اللي بنقولك عليها هو خليني
نفرح ونشوف اسمي آخر
وحده في اللعبه كل ما
نشوف نسحاب اسمي نلقي
نوح ريحني شويا واجبر
بخاطري
انبصر معاك وراك تمل

ها ها ها ها ها
زرقت عليك يا ورفلية
انا قلت حرف اللام مش الميم

انيعههههههههها

بس مش مشكلة انمشيها لك عشان حليفتي بس

هيا واليـــــــــاء

يا درنة حالي كي حالك ،،، دمعي يذرف كي شلالك

.. .. ..

هيا حرف الكاف
ركزي باهي الكاف ، ها !
لعبة شعرية - صفحة 18 26

موضوع: رد: لعبة شعرية الخميس مارس 19, 2009 12:34 am

عندك الحق مش مركزه
بس حتي انا زرقت عليك

انت كاتب

دمهي

قصدك دمعي صح؟ ؟

ركز ركز ومعش تلخبط
برضوا نمشيها لك عشان
حليفي _عارف تلخبط مره
ثانية ندورلي حليف آخر
اصلي خذيت عالتحالفات

وخلاص فهمت كاف
شد هذي هي

كوكايين غلاكم تما ذقنا
سمه كل نهار انريدوا شمه

وتوا الهاء

بديت نتعب راني خفف عليا
الضغط

موضوع: رد: لعبة شعرية الخميس مارس 19, 2009 12:45 am

اه والله بس عدلتها
لعبة شعرية - صفحة 18 121

بلاااااااااا ، فطنتيلها ، ماشاء الله

اقتباس :

ثانية ندورلي حليف آخر
اصلي خذيت عالتحالفات

حيه ، معقولة اتبعيني ، اديريها ازعمك؟؟؟

حيه عندي وحده عالهاء قوية بكل

امسكي ما جاك

هنت عليك قلبي نساك بروحه ،،، صقع عليك تبقى السبب في اجروحه

.. .. ..

هيا حرف الهاء من جديد

.. .. ..

انقولك حاجه ، حتي انا تعبت
راسي تعبا غناوي علم

.. .. ..

حتى أمي لما تحكي معايا قعدت انرد عليها
بغناوى علم

موضوع: رد: لعبة شعرية الخميس مارس 19, 2009 1:27 am

‏ معقولة نبيعك لا لا لا
بس انت حليف كويس و
نشيط ومستحيل نبدلك

مانديرهاش يانوح
ماعندكش ثقه فيا معقولة ؟
‏ راني نزعل منك ؟

وكاني زعلت نخش علي
غناوي العلم بالأنجليزي
ودبر راسك بعدها

وحرف الهاء يقول

هو مسلوب من قبل وانتم
كملتوا عقابه يا واخذين
العقل ردوا العقل لأصحابه

وعوده قوية للهاء

عارف انا ماما تساعد فيا
وخليتها تفكر وتقولي شن
رايك نخششوها معانا

موضوع: رد: لعبة شعرية الخميس مارس 19, 2009 12:45 pm

ســــــــــــــــــــــــــــــ الساهر ــــــــــــــــــــــــــلام

وين تما فيها التحالف وين هذا كله

بس حتى واحنا بروحنا انقولو

على فكره حرف الهاء واعررررررررررررر واجد

هك وهك قديم قلبها .... كبدي عالنار وسيبها

شوفو الحروف الي نعطيكم فيها

حرف الالف

ســــــــــــــــــــــــــ الساهر ـــــــــــــــــــــلام

موضوع: رد: لعبة شعرية الخميس مارس 19, 2009 3:08 pm

اها ، لا تمام عارفك ما اديرهاش
يا ورفلية ،، ردبالك تزعلي كله إلا ورفلية

.. .. ..

وكان ع الانجليزي نقلبوها عادي
أبتاع كلوا انا

.. .. ..

أما انت يا الساهر ،، تبي اتخش معانا للحلف خش
عــــــــادي
لعبة شعرية - صفحة 18 Loool

.. .. ..

وتوا أنجوا للألف

أعشمي ما يبان اليوم ... بكره عزيز ياما يصيرله

.. .. ..

هيا الهاء

موضوع: رد: لعبة شعرية الخميس مارس 19, 2009 5:28 pm

يا الساهر منورنا وعادي
كان بتدير تحالف مع اي
عضو دير ننصحك تتحالف
مع this is me ‎
ضدي انا و نوح

بعدين يانوح كيف تخشش
وتعزم علي تحالفنا وما
شاورتنيش مش هكي
التحالفات راهو

وانقولك حاجة الغناوه اللي
كاتنها معاوده ومكتوبه من
قبل _ كان كملن اللي عندك
قولي وانديروا اجتماع بلكي
نوصولك علي طلبية خاصة
لك من الخارج بس مش
تعاودلنا في اللي كاتبينهن
من زماان

عادي اعترف !
‏
وتوا الهاء

هانت هانت بأذن الكريم
ترد كي ما كانت اصبر علي
الأيام

وتوا حرف الميم

موضوع: رد: لعبة شعرية الخميس مارس 19, 2009 6:18 pm

قصدك الساهر يبي يدير حلف مع this's me
حيه حيه ، اللعية قعدت صقع توا

.. .. ..

اقتباس :

بعدين يانوح كيف تخشش
وتعزم علي تحالفنا وما
شاورتنيش مش هكي
التحالفات راهو

عادي عادي ، انا وانت واحد ، مش قضية

.. .. ..

بعدها تعالي هنا
قصدك قاعده الغناوة صح ؟!!
لعبة شعرية - صفحة 18 13

حيه ، شكلي نزحت

(ورفلية خيتي ، مش نحن حلف واحد شنو رايك اتزرقيلي كم غناوة هكي ع الماشي)

.. .. ..

وهيا توا حرف الميم

مـــاعاد اهناك سعادة ... من يوم بعدوه ريدي كحيل همادة ... هيت فانــــتا

.. .. ..

هيا حرف الالف

موضوع: رد: لعبة شعرية الخميس مارس 19, 2009 7:30 pm

سكتتني ومعش خليت فيها
ما نقول

وانت شكلك ماينزحنش من
عندك غناوي العلم ماشاء
الله

وبالنسة لتزريق غناوي لك
صعب جدا في رقابه
وحصار بعد يفكوا الحصار
توا ندزلك مش حندز لأعز
منك يا اوخيي وحليفي

والفانتا عجبتني بس كان
مسقعه احسن

وتوا الألف يقول

اجعنا في روحي لاقيها
لحظه كان جرحتك فيها

وتوا الألف

موضوع: رد: لعبة شعرية الخميس مارس 19, 2009 8:04 pm

ســـــــــــــــــــــــــــ الساهر ـــــــــــــــــــلام

شكرا يانوح
ورفلية مفروض انك اتقولي لنوح ان
كلامك سمح مش اتعتبية

وبعدين انا كيف انخش مع اثنين متحلفين

اسمع يانوح الباين ان حاليفتك واعره
حي عليك حي

اما بنسبة لي this is me
منلقاش احسن منها في التحالف

وحسك قلتي الالف باهي

امسكي مجاك

اسماء عزيز كي من خاض .. معارك وجا جايب فخر

اسماء عزيز بين وبين .. كارب البيت وزازله

اسماء عزيز قابل دون .. شفاق في رقط داير هلل

واختارو حرف من الحروف الاتية

س1 - ( ر )
س2 - ( ه )
س3 - ( ل )

ســـــــــــــــــــــــــــــــ الساهر ـــــــــــــــــــلام

موضوع: رد: لعبة شعرية الخميس مارس 19, 2009 8:15 pm

تي حيه الفانتا مصقعه ، لعند ما دايره نقاطي اميه من برا

.. .. ..

يا الساهر حليفتي ما شاء الله عليها
ميه ميه

وتوا اللام
لو كان الغلا بالكف ... نصفق عزيز نين نبرمه
slap

.. .. ..

هيا توا الهاء من جديد

موضوع: رد: لعبة شعرية الخميس مارس 19, 2009 8:43 pm

ســــــــــــــــــــــــــــ الساهر ــــــــــــــــــــــــــــلام

الهاء يانوح باهي

هويت قلت ياك انغفي قلوا هني نومي سابقوا

الالف

ســــــــــــــــــــــــــــــــ الساهر ـــــــــــــــــــــــــلام

موضوع: رد: لعبة شعرية الخميس مارس 19, 2009 8:47 pm

الألف ، الألف

تعرفوا راهي ادرهت كبدي منه الحرف هذا
خلاص غيروا شويا يا هوو

هيا عندي واحد مش عارف كيف زرق

أتقول واحية الفراق ... إلها ايام عيني مرقرقه
لعبة شعرية - صفحة 18 Cry

.. .. ..

هيا الهاء

موضوع: رد: لعبة شعرية الخميس مارس 19, 2009 9:27 pm

باهي يا الساهر تبز في
اباري لنوح يعني حيلقي
احسن مني ؟

والا عندك راي ثاني يانوح ؟
قول
لاعادي قول

وحاضر حنغير حرف الألف
ماعاش من يدره كبد حليفي
سأتصي لهم

وبعدين انا واعره يا الساهر
ما توقعتهش منك زعلت
خلاص
مش منك يانوح من الساهر
اتصرف امعاه زعل حليفتك
وريني شن اتديرله هي

انا ميه ميه شكرا يا نوووح

وحرف الهاء يقول

هنت الغلا ولنقانك قصرت
صحيت ومنور علي ما درت

وتوا التاء

اهدي هذه الغناوه الي
الساهر

موضوع: رد: لعبة شعرية الخميس مارس 19, 2009 9:38 pm

كلا إلا الورفلية يا الساهر
انت محروم من المشاركة لمدة 24 ساعه

.. .. ..

شنو رايك يا ورفلية في حليفك ( واعر صح )

.. .. ..

وتوا حرف التاء

تنسيهم يجوك منام ... اعزاز فرض يا عين يخطروا

.. .. ..

سوووووووري جاكم الالف

موضوع: رد: لعبة شعرية الخميس مارس 19, 2009 9:49 pm

ســــــــــــــــــــــــ الساهر ــــــــــــــــــــــــلام

ياورفلية والله متزعلي حقك عليه
قوليلي شن تبي بس
فكيني من الزعل راهو انتي الي امولعة اللعبة
وبعدين انبصرو معكي
وبعدين الا نوح اتخبريه فيه

ايام االدلال اخطرن .. بلا عزيز ماعاد نقدروا

الالف

ســـــــــــــــــــــــ الساهر ــــــــــــــــــــلام

موضوع: رد: لعبة شعرية الخميس مارس 19, 2009 10:31 pm

والله طلعت صقع بكل
يانوح ولا تهديد ولا اقوي
24‏ ساعه له له له
واجد حرام انا سامحته خلاص
قال انبصر

وبعدين معش تعاودها
يا الساهر راهو وراريا
حليف صقع وما يتحمل فيا
شئ المره هذي جاتك
ساهله حرمان 24 ساعه
بس المره الجاية مش
عارفه شن ايديرلك رد بالك
من روحك

وكان تبيني نرضي بكل بكل
رضيني بغناوه خاصه بيا

وتوا الألف يقول

انكان متت خلي هالغلا في
سرك وان كان عشت ما
ضني غلاي ايضرك

وتوا الكاف

سلمك صباي يا نوح

موضوع: رد: لعبة شعرية الخميس مارس 19, 2009 10:42 pm

تي كيف ، كم عندنا ورفلية في المنتدى
وحدة بس

.. .. ..

والمره هذى مشت يا الساهر باهي

.. .. ..

كبدي طابت ما تلمسها ... عدا اللي كان امونسها

.. .. ..

هيا حرف الالف
( انا انحطلكم الف عادي اما انتوا لالا )